وه‌زاره‌تا بازرگانی: ل ڤان نێزیكان ئاهێن خوارنێ دێ هێنه‌ دابه‌شكرن

وه‌زاره‌تا بازرگانی و پیشەسازی ئاشكرا كر، ئاهێن خوارنێ یێن مه‌هانه‌ گه‌هشتینه‌ پشتی پشكنینێ دێ ل سه‌ر وه‌لاتییان دا هێنه‌ دابه‌شكرن.

نەوزاد شێخ کامل رێڤه‌بەرێ گشتی یێ بازرگانی ل وەزارەتا بازرگانی و پیشەسازییا حکومەتا هەرێما کوردستانێ دیار كر: ل ده‌ستپێكا ئه‌ڤ ساله‌ شه‌ش جاران ئاهێن خوارنێ یێن مه‌هانه‌ هاتینه‌ دابه‌شكرن ب سه‌ر وه‌لاتییان دا‌، كو ژ لایێ وه‌زاره‌تا بازرگانی یا عێراقێ ڤه‌ دهێنه‌‌ دابین كرن.

ل هەرێما کوردستانێ 5 ملیۆن و 225 هزار و 472 کەس مفایی ژ ئاهێن خوارنێ یێن مه‌هانه‌ وه‌ردگرن، ل سلێمانییێ  2.024.970 کەس، ل هەولێرێ  1.908.998 کەس، ل دهۆکێ 1.291.504 کەس.