وه‌زاره‌تا كاره‌بێ : ده‌مێن پێدانا كاره‌بێ دێ كێمبن

وه‌زاره‌تا كاره‌بێ یا حكومه‌تا هه‌رێما كوردستانێ ئاشكراكر، بۆ ماوێ سێ رۆژان دابه‌شكرنا كاره‌بێ دێ كێم بیت و بۆ كێمكرنا كارتێكرنێن وێژى دێ ل سه‌ر هێلێ بیت.

ده‌قێ ئاگه‌هدارییا وه‌زاره‌تا كاره‌بێ :

هه‌ڤپشكێن كاره‌بێ ئاگه‌هدار دكه‌ین، پرۆسه‌یا چاكسازییێ بۆ ماوێ سێ رۆژان ژ 7-10-2022 هه‌تا 9-10-2022 ل كێلگه‌ها كۆرمۆر دێ هێته‌ بجهئینان.
ب ئه‌ڤى ئه‌گه‌رى هنارتنا گازا سرۆشتى بۆ وێستگه‌هێن كاره‌بێ ب 230 ملیۆن پێیێن سێجا دێ كێم بیت و ده‌رئه‌نجامێ وێ 1250 مێگاواتێن به‌رهه‌مئینانا كاره‌بێ دێ كێمبن.

وه‌زاره‌تا كاره‌بێ ب هه‌ماهه‌نگى دگه‌ل وه‌زاره‌تا سامانێن سرۆشتى و دگه‌ل تیمێن كۆمپانییا دانه‌گاز بۆ باشتر برێڤه‌چوونا پرۆسه‌یا چاكسازییێ و كێمكرنا كارتێكرنێن وێ ل سه‌ر كێمبوونا ده‌مێن پێدانا كاره‌بێ دێ لسه‌ر هێلێ بن.