وه‌زاره‌تا په‌روه‌ردێ یا حكومه‌تا هه‌رێما كوردستانێ چه‌ند بریارێن نوو ل سه‌ر تاقیكرنێن قوتابییێن قوتابخانه‌یان ده‌ركرن، كو بریاره ل رۆژا 14ى ئه‌ڤێ هه‌یڤێ تاقیكرن ده‌ستپێبكه‌ن.
ل دووڤ فه‌رمانه‌كا وه‌زارى كو ژلایێ وه‌زاره‌تا په‌روه‌ردێ ب ئیمزایا وه‌زیرێ په‌روه‌ردێ ئالان حه‌مه سه‌عیدڤه ده‌ركه‌ڤتییه، دوو بریارێن نوو بۆ تاقیكرنێن قوتابخانه‌یان هاتینه ده‌ركرن.
بریارا ئێكێ یا تایبه‌ت ب پێكهاته‌یێن ئێزیدى و كریستیانان، وه‌زاره‌تا په‌روه‌ردێ ده‌ستهه‌لات دایه رێڤه‌به‌رێن ئه‌وان قوتابخانه‌یان، خشته‌یێ تاقیكرنان بشێوه‌یه‌كێ وه‌سا بدانن كو دگه‌ل جه‌ژن و هه‌لكه‌فتێن وان بگونجن.
بریارا دووێ یا تایبه‌ته ب رۆژا ئالایێ كوردستانێ ل رێككه‌ڤتى 12-17 كو ل وێ رۆژێ تاقیكرنێن وه‌رزێ ئێكێ دێ هێنه‌كرن، و بریار هاته دان ل ئه‌وێ رۆژێ تاقیكرن بۆ ئێك ده‌مژمێر بهێنه پاشخستن هه‌تا كو رێوره‌سمێن رۆژا ئالاى دهێنه گێران.
ل دووڤ ئه‌وى خشته‌یێ وه‌زاره‌تا په‌روه‌ردێ یا حكومه‌تا هه‌رێما كوردستانێ دیاركرى، تاقیكرنێن دووماهییا وه‌رزێ ئێكێ یێن قوتابخانه‌یان دێ ل رۆژا 14ى ئه‌ڤێ هه‌یڤێ ده‌ستپێكه‌ن و هه‌تا رۆژا 24ێ هه‌یڤێ به‌رده‌وام بن.
پێشتر وه‌زاره‌تا په‌روه‌ردێ راگه‌هاندبوو، بهێنڤه‌دانا قوتابخانه‌یان دێ ل رۆژا 25ى هه‌یڤێ ده‌ستپێكه‌ت و هه‌تا دووێ كانوونا دووێ یا سالا 2023ێ یا به‌رده‌وام بیت.
Comments are closed, but trackbacks and pingbacks are open.