وه‌زیرێ دارایی رۆنكرنه‌كێ ل دۆر بهایێ دیناری دده‌ت

وەزیرێ دارای یێ ئیراقێ راگەهاند: ئه‌م شیاینە یەدەکێ بانکا ناڤەندی یا ئیراقێ بۆ 65 ملیار دۆلاران زێدە بکەن و پولینا جیهانی یا پێشڤەچوونا ئیراقێ ل سەر ئاستێ نیڤدەولەتی زێدەبوویە.
عەلی عەللاوی، وەزیرێ دارای یێ ئیراقێ، راگەهاندنەک دەربارەی بهایێ دیناری د مەها کانوونا ئێکێ دا یا سالا 2020 بەلاڤکر، دیارکریە کێمکرنا بهایێ دیناری د چارچوڤێ پێنگاڤا چاکسازیێ دا یا گەوهەری بوو، بۆ باشکرنا ژێرخانا ئابووری یا ئیراقێ.
وەزیرێ دارایی یێ ئیراقێ ئاشکرا کر، بڕیارا کێمکرنا بهایێ دیناری د مەها کانوونا ئێکێ یا سالا 2020 دا، د چارچوڤێ بەرنامێ چاکسازیێ دا پێنگاڤەکا گەوهەری یا ژێرخانا ئابووری بۆ د وەلاتی دا، ئەو بڕیارە ژ ئەنجامێ رەوشا خەندقی یا ئابووری سەرهلدا کۆ جیهان بگشتی ژ ئەگەرێ ڤایروسێ کۆرۆنا توش ببوو، ل وی دەمی بهایێ ئێک بەرمیلا نەفتێ بۆ 20 دۆلاران کێم ببوو، ئەڤ چەندە ژی ببوو ئەگەرێ سەرهلدانا قەیرانا ئابووری، کۆ دەولەت نە د شیا پێگیریێن ئابوورێ خوە ژ قەرێن پێشتر یێن دەرەکی و نافخو هەروەسا مووچێن فەرمانبەران و خانەنشینان و پاراستنا جڤاکی بجهبینیت.
عەلاوی ئاماژە کریە، گوهرینێن بهایێ پارەی هێزەکا مەزن دا گەهێن ئابووری یێن وەلاتی و هەڤرێک بوو دگەل داخویانیێن بانکا ناڤەندی یێن هاتینە دوپاتکرن، زێدەکرنا بهایێ فروتنا دۆلاری بۆ ئەگەرێ هەڤرکیێ لسەر بەرهەمێ نافخو و کێمکرنا مەزاختنان لسەر وەزارەتێ ب رێژا 23%.
وەزیرێ دارایی دیارکر، وەزارەت شیا قەیرانا دارایی دەرباز بکەت کۆ ژ ئەگەرێ داکەفتنا بهایێ نەفتێ ل سالا 2020 و ل دەستپێکا سالا 2021 درست ببوو، هەروەسا شیاینە یەدەکێ بانکا ناڤەندی یا ئیراقێ بۆ 64 ملیار دۆلاران زێدە بکەین و پۆلینا جیهانی یا پێشڤەچوونا ئیراقێ ل سەر ئاستێ نیڤدەولەتی زێدە بوویە.
ناڤبری گوت: ل گۆرەی ئامار و ئاماژێن رێکخراوێن نیڤدەولەتی یێن بسپۆر، بەرهەمێ خۆمالی ب گشتی گەهشتیە رێژا 9% د نیڤا ئێکێ یا سالا 2021 دا گەشەیا ئابووری ل دووڤ خوە ئینایە، هەروەسا د نیڤا ئێکێ یا سالا 2021 دا ژی ب رێژا 21% زێدە کریە.
دهێتە زانین ل 19-12-2020 بانکا ناڤەندی یا ئیراقێ بڕیار دا بهایێ فرۆتنا هەر دولارەکێ ئەمریکی ژ 1180 دینارا بۆ 1460 دیناران زێدە بکەت، وێ بریارێ ژی بهایێ زۆربەیا خوارن و کەلوپەلان ب رێژا 20% د بازاران دا بلندکر.
,m