وه‌زیرێ كاره‌با هه‌رێما كوردستانێ راگه‌هاند، 615 مێگاواتێن كاره‌با هه‌رێمێ زێده‌بووینه، دیار ژی كر سه‌ربارى كێشه‌یێن كۆمپانیا دانا گاز د هه‌یڤا بوورى دا پترى 20 ده‌مژمێران كاره‌با هاتیه دان.
وه‌زاره‌تا كاره‌با هه‌رێمێ لسه‌ر ئه‌كاونتێ خۆ یێ فەیسبۆکی ژ زارێ وه‌زیرێ كاره‌بێ كه‌مال محه‌مه‌د راگه‌هاند، هه‌مى بزاڤێن وان بۆ وێ ئێكێنه ده‌مژمێرێن پێدانا كاره‌بێ زێده بكه‌ن، ئه‌ڤساله ژى ل چاڤ سالێن بوورى سێ ده‌مژمێران كاره‌ب زێده‌تر هاتیه دان.
كه‌مال محه‌مه‌د دا زانین، ژبه‌ر چاكسازیێن كۆمپانیا دانا گاز د ناڤبه‌را رۆژێن 12 تا 26 هه‌یڤا بوورى دا 600 مێگاواتێن كاره‌بێ كێمبوون، غازا مالان ژى كێمبوو، سه‌ربارى ڤێ ئێكێ ژى د هه‌یڤا بوورى دا 20 ده‌مژمێر و نیڤان كاره‌ب هاتیه دان.
هه‌روه‌سا دا زانین، تا نها ملیۆنه‌ك و 21 هزار پیڤه‌رێن زیره‌ك هاتینه گرێدان و نێزیكى 70% یا پرۆژێ گرێدانا پیڤه‌ران ب دویماهى هاتیه. 22 هزار زێده‌گاڤى ژى هاتینه لابرن.
Comments are closed, but trackbacks and pingbacks are open.