وه‌زیرێ پێشمه‌رگه‌ى داخوازییه‌كێ ژ مسته‌فا كازمى دكه‌ت
زێ بادینان
وەزیرێ پێشمەرگەێ حکومەتا هەرێما کوردستانێ راگەهاند، داخوازێ ژ سەرۆک وەزیرێن ئیراقێ دکەن “راستەوخۆ تەداخول بکه‌ت” هه‌تا هەردوو وەزارەتا بەرگریێ و پێشمەرگە بگەهنه رێککەڤتنه‌كا گشتگیر بۆ پێکئینانا ناڤه‌نده‌كا ئۆپراسیۆنا هه‌ڤپشك ل ده‌ڤه‌رێن ناكوكى ل سه‌ر، بۆ هندێ كو پێكڤه ڤالاهییا ئێمناهییا ئه‌وێ ده‌ڤه‌رێ پڕبكه‌ینه‌ڤه، كو دناڤبه‌را وان دا هه‌یه، هه‌تا چیتر تیرۆرستان ده‌رفه‌تێن تێكدانێ نه‌مینن هه‌روه‌كو چه‌ند رۆژێن بورى ل باژێرێ كفرى ئه‌نجام داین.
شۆڕش ئیسماعیل، وەزیرێ پێشمەرگەیى ل ده‌مێ سه‌ره‌دانا وى بۆ لیوایێن پێشمەرگەیى ل سنورێ گەرمیان گۆتى ژى ك، كو مه دوودلییا خوه یا كوور ده‌ربرییه ل سه‌ر ئه‌وان كریارێن تیرۆرستێن ترسناك تاریپه‌رست، كو دوو كاتیۆشا ئاراسته‌ى باژێرێ كفرى هاتبوونه كرن، و تیرۆرستان بزاڤدكرن سه‌قامگیرییا ده‌ڤه‌رێ تێكبده‌ن، به‌لێ پێشمه‌رگه‌یێن كوردستانێ بۆ هه‌ر كریاره‌كا تیرۆرستى به‌رسڤان وان بتوندى د ده‌ن.
ئاماژه دا ژى، سنوورێ گه‌رمیان، ده‌ڤه‌ره‌كه ب درێژاهییا مێژوویێ ناڤه‌ندا خه‌بات و قوربانیدانه‌كا زۆر بوویه، وه‌زاره‌تا پێشمه‌رگه‌ى ژى هه‌رده‌م یا ده‌ست پێشخه‌ر بوو، بۆ گه‌هشتنا رێككه‌ڤتنێ و پركرنا بۆشاییا ئێمناهییێ، و د ده‌مێن بوری دا گۆتوبێژ د گه‌ل سوپایێ وه‌زاره‌تا به‌رگرییا ئیراقێ هاتینه كرن، نه گه‌هشتینه هیچ رێككه‌ڤتنه‌كێ، و هه‌رده‌م وه‌زاره‌تا پێشمه‌رگه‌ى یا ده‌ستپێشخه‌ر بوو كو بگه‌هنه رێككه‌ڤتنێ و ئه‌ڤه ژى ده‌لیڤه‌كا باش بوو، ل ڤێرێ داخوازێ ژ به‌رێز مسته‌فا كازمى دكه‌ین كو راسته‌وخۆ ته‌داخولێ بكه‌ت هه‌تاكو هه‌ردوو وه‌زاره‌تێن به‌رگرى و پێشمه‌رگه بگه‌هنه رێككه‌فتنه‌كا گشتگیر
Comments are closed, but trackbacks and pingbacks are open.