نەبەز ئیسماعیل پەیڤدارێ وەزارەتا ئەوقافا هەرێمێ ڕاگەهاند، “بۆ دیارکرنا ئێکەم رۆژا جەژنا رەمەزانێ پشت ب چ وەلاتەکی و دەزگەهەکێ فەلەکی نا گرێدەن، مە پەیوەندی دگەل وەقفا سونیا عێراقێ هەیە و مە جڤینێن بەردەوام دگەل وان هەنە، مە بڕیارا خۆیا تایبەت هەیە و دێ پشت ب بەلگەیێن خۆیێن شەرعی گرێدەین”.
دیارکر ژی، “ئەوێ دبێژن فلان رۆژێ جەژنە راست نینە، ژبەرکو ئەم پشت ب بەلگەیێن شەرعی گرێددەین، نە ئەوێن بەحس لێ دکەن، فەلەکناس یان جهێن دی و لژنەیا بلندا دیتنا هەیڤێ دێ بڕیارێ دەت، بۆ ئەڤسالە ژی هەیا نها دیار نینە، ئەڤ مەهە دێ سیهـ رۆژن بن، یان بیست و نەهـ رۆژ”.
دبێژیت ژی، رۆژا شەمبی لژنەیا دیتنا هەیڤێ ل دیوانا وەزارەتا ئەوقافێ ب هەماهەنگی دگەل لژنەیێن لاوەکی ل پارێزگەهان بۆ دیارکرنا رۆژا جەژنێ کو ئەگەر هەیڤ هاتە دیتن، رۆژا ئێکشەمبی دێ بیتە جەژن و ئەگەر نەهاتە دیتن مەها رەمەزانێ دێ سیهـ رۆژ بن و رۆژا دووشەمبی دێ بیتە جەژن.
ئەڤە ددەمەکیدایە، ل هەرێما کوردستانێ و پتریا وەلاتێن جیهانێ ب پشتگرێدان ب دیتنا مەهێ ٢ی ٤ی ٢٠٢٢ ئێکەم رۆژا مەها رەمەزانێ هاتە دیارکرن.
Comments are closed, but trackbacks and pingbacks are open.