نەبەز ئیسماعیل پەیڤدارێ وەزارەتا ئەوقاف و کاروبارێن ئاینیێن ھەرێما کوردستانێ ، وەلاتێ سعودیێ دکاریت ئێکەم رۆژا جەژنێ دیاربکەت و بڕیارا وی وەلاتی ئێکلاکەرە.
دەربارەی ئێکەم رۆژا جەژنا قوربانی ژی ئاماژە ب وێ یەکێ کریە، بۆ ئێکلاکرنا ئێکەم رۆژا جەژنێ پشت ب پێشبینیان ناگرێدەن و چاڤەڕێی وەلاتێ سعودیێ دکەین کو ئێکلایی بکەت و ئێکەم رۆژا جەژنێ دیاربکەت.
پەیڤدارێ وەزارەتا ئەوقافێ بەحسا وێ یەکێ ژی کر، وەلاتێ سعودیێ ئێڤاریا ٣٠ی حوزەیرانێ ئێکەم رۆژا مەھا زو ئەلحەجە دێ دیارکەت و وی دەمی ئێکەم رۆژا جەژنێ ژی دێ ھێتە دیارکرن ژبەرکو ١٠ی زو ئەلحەج ئێکەم رۆژا جەژنا قوربانی یە.
ئەڤە ددەمەکیدایە، ناڤەندا فەلەکناسیا ئیماراتی د ڕاگەھاندنەکێدا ئاماژە ب وێ یەکێ کر، پتریا وەلاتێن ئیسلامی ل رۆژا چارشەمبێ ئێکەم رۆژا حوزەیرانێ مەھا زولقەعدە دەستپێکریە و ژ وان ژی سعودی و ئیمارات و عەمان مسر و سوریا و مەغرب و عێراق ب وێ یەکێ ژی ٢٩ی مەھێ رۆژا چارشەمبی پێشبینیا دیتنا ھەیڤا زولحەجە دھێتە کرن.
ئاماژە ب وێ یەکێ کر، پێشبینی دھێتە کرن رۆژا پێنجشەمبی ٣٠ حوزەیرانێ ئێکەم رۆژا مەھا زولحەجە بیت و ل پتریا وەلاتێن جیھانا ئیسلامی ژی رۆژا ھەشتێ تەمموزێ ببیتە وەقف ل عەرەفات و رۆژا شەمبی ٩ی تەمموزێ ببیتە ئێکەم رۆژا جەژنا قەربانی.
Comments are closed, but trackbacks and pingbacks are open.