وەزارەتا ئەوقاف و کاروبارێن ئاینی یێن حکومەتا هەرێمێ ڕاگەهاند، ئامادەکاریان بۆ دەستپێکرنا گەشتا عومرێ دکەن و بهایێ عومرێ ژی ژ هزار و ٢٠٠ دۆلاران دەستپێدکەت.
نەبەز ئیسماعیل پەیڤدارێ وەزارەتا ئەوقافێ و کاروبارێن ئاینی یێن حکومەتێ ڕاگەهاند، د نهادا چاڤەرێی بەرسڤا بەغداینە بۆ دەستپێکرنا هنارتنا عومرەکاران بۆ سعودیێ، ڕاگەهاند ژی، پێشبینی دکەن ل ڤان نێزیکان گەشتێن عومرێ دەستپێبکەن، بۆ وێیەکێ ژی چاڤەرێ دکەن دەستەیا حەج و عومرێ یا عێراقێ بهێنە هایدارکرن.
ئەوژی دیارکر، مەرج و رێنمایێن نوی هاتینە بۆ عومرێ، کو دبیت ژیێ عومرەکاری ژ ١٨ سالان کێمتر نەبیت و دوو قورچێن ڤاکسینی وەرگرتبن، گوتژی، د رێکارێن مانێ و ڤەگۆهاستنێ ژیدا هاتیە ل دەمێ مانێ ل هوتێلێ پێتڤیە دوو کەس د ئێک ژووردا بن، ڤەگۆهاستنا عومرەکاران ژی ب پاسێ کرینە ٢٥ کو بەریا نها ٥٠ کەس بوون، دبێژیت ژی، پێتڤیە عومرکار پێگیربیت ب گرێدانا ماسکی و دوویربن ژ هەڤدوو.
دەرباەری بهای ژی بەحسا وێیەکێ کر، ل گورەی کۆمپانیان و خزمەتگوزاریان بها د هێنە گۆهڕین، لێ ب گشتی ژ هزار و ٢٠٠ دۆلاران دەستپێدکەت.
Comments are closed, but trackbacks and pingbacks are open.