رێڤەبەرێ كۆمپانیا گشتی یا دەخل ودانی ل وەزارەتا بازرگانی دبێژیت: دابەشكرنا ئاهێن خوارنێ هەتا دویماهییا سالێ ژی دێ بەردەوام بیت و چ مەترسی ل سەر نینە.
محەمەد حەنون رێڤەبەرێ كۆمپانیا گشتی یا وەزارەتا بازرگانی د پەیڤەكا رۆژنامەڤانی دا راگەهاند: نۆكە كۆمپانی دگەل كۆمپانیا نیشتمانییا تەكنۆلۆژی گەنگەشێ دكەت ل سەر دەرئێخستنا كارتا ئاهێن خوارنێ ب ئاوایێ ئەلكترۆنی بۆ رێگریكرنێ ل هەر سەختەكارییەكێ د وێ كارتێ دا.
حەنون گۆت: دابەشكرنا ماددێن سەلكا خوارنێ هەتا دویماهییا ڤێ سالێ ژی دێ بەردەوام بیت و پارێ بەردەست بۆ دابینكرنا ئاهێن خوارنێ هەیە و چ مەترسی ل سەر دابەشكرنا ئاهێن خوارنێ نینە.
گۆت ژی: دەخل ودانێ پێدڤی ل عمباران و پارێ پێدڤی بۆ دابینكرنا ئاهێن خوارنێ هەیە، كو ئەڤە ژی ئاماژەیەكێ ئەرێنییە بۆ باشییا رێكارێن حكومەتێ یێن بۆ بەرسینگگرتنا ئەنجامێن كێشەیا خوارنێ یا جیهان ڤەگرتی ب كار ئیناین.
Comments are closed, but trackbacks and pingbacks are open.