وەزارەتا خواندنا بلند و ڤەكۆلینێن زانستی دەرفەتا خواندنا ماستەر و دكتۆرایێ ل وەلاتێ كوریا باشوور بۆ فەرمانبەرێن وەزارەتێ رادگەهینیت، ئەوژی د چارچووڤێ وی پرۆژێ هەڤپشك یێ كۆ بۆ دەرفەتا خواندنێ دناڤبەرا سێكتەرێن ڤەكۆلینێن پێشخستنا ناڤدەولەتی یا كوریا باشوور و حكومەتا هەرێما كوردستانێ دا هەی.
بوارێن خواندنا ماستەر و دكتۆرایێ پێك دهێن ژ ( سیاسەتا گشتی، سیاسەتا پەرەپێدان و برێڤەبرنا گشتی ).
هەركەسەكی مەرجێن ل خوارێ دیاركری ل دەڤ هەبن و و ئارەزوویا خواندنێ ل زانكۆیێن وەلاتێ كوریا باشوور هەبیت، دشێت ب رێیا ڤی لینكی داخوازییێ پێشكێش بكەت:
https://www.kdischool.ac.kr/admissions
ماستەر:
- پێدڤی یە پێشكێشكار وەلاتییێ هەرێما كوردستانێ بیت.
- پێدڤی یە ب لایەنێ كێم دوو سال خزمەت هەبیت پشتی ب دەستڤەئینانا دوماهی باوەرنامە.
- ئاستێ شیانێن زمانێ داخوازكری ژ بەرنامەیەكی بۆ بەرنامەیەكێ دی یا جیاوازە، لەوما پێدڤی یە هەمی هویركاتییێن ئەوی بەرنامەی بخوینن یێن داخوازییێ بۆ پیشكێش دكەن.
- پێدڤی یە داخوازكەر ل هەمان بوارێ خۆە داخوازییێ بۆ بەرنامێ ماستەرێ پێشكێش بكەت ( ئانكو بەكالریوس و ماستەرا وی د هەمان بوار دا بیت ).
- كاندیدێ سەركەفتی ژلایێ وەزارەتا خواندنا بلند بتنێ دێ مۆلەتا خواندنێ پێ هێتەدان، واتە ب مووچەیێ بنەرەتی و دەرمالەیێن جێگیر.
- كاندیدێ سەركەفتی ژلایێ وەلاتێ كوریا باشوور ڤە دێ پشتەڤانییا دارایی لێ هێتەكرن.
دكتۆرا:
- پێدڤی یە پێشكێشكار وەلاتییێ هەرێما كوردستانێ بیت.
- پێدڤی یە پێشكێشكاری ب لایەنێ كێم دوو سال خزمەت هەبیت پشتی ب دەستڤەئینانا دوماهی باوەرنامە، ژبلی وان كەسان یێن باوەرناما خۆە یا ماستەرێ د چارچووڤێ بەرنامێ تواناسازی دا ب دەستڤەئینای، لەوما پێدڤی یە پابەندی وێ گرێبەستێ بن یا كۆ ئیمزاكری.
- ئاستێ شیانێن زمانێ داخوازكری ژ بەرنامەیەكی بۆ بەرنامەیەكێ دی یا جیاوازە، لەوما پێدڤی یە هەمی هویركاتییێن ئەوی بەرنامەی بخوینن یێن داخوازییێ بۆ پیشكێش دكەن.
- پێدڤی یە داخوازكەر ل هەمان بوارێ خۆە دا داخوازییێ بۆ بەرنامێ دكتۆرایێ پێشكێش بكەت ( ئانكو ماستەر و دكتۆرایا وی د هەمان بوار دا بیت ).
- كاندیدێ سەركەفتی ژلایێ وەزارەتا خواندنا بلند بتنێ دێ مۆلەتا خواندنێ پێ هێتەدان، واتە ب مووچەیێ بنەرەتی و دەرمالەیێن جێگیر.
- كاندیدێ سەركەفتی ژلایێ وەلاتێ كوریا باشوور ڤە دێ پشتەڤانییا دارایی لێ هێتەكرن.
تێبینی:
- پێشكێشكرن راستەوخۆ و بتنێ ب رێیا مالپەرێ سەرەكی یێ دەرفەتێ ( كوریا باشوور ) بیت.
- كاندیدێ سەركەفتی پشتی ب دەستڤەئینان دەرفەتا خواندنێ، پێدڤی یە سەرەدانا وەزارەتا خواندنا بلند و ڤەكۆلینێن زانستی/ رێڤەبەرییا هنارتییان بكەت بۆ پرۆسێسكرنا مامەلێن مۆلەتا خواندنێ.
- هەركەسێ مەرج و رێنماییێن ل سەری دیاركری تێدا نەبن، مۆلەت پێ ناهێتەدان.
- بۆ هەر زانیاریەكێ، سەرەدانا مالپەرێ دەرفەتێ بكەن.
- 6ی ئەیلول 2022
Comments are closed, but trackbacks and pingbacks are open.