ئەڤرۆ ئێک شەمبی وەزارەتا دەرڤە یا حکومەتا فیدرال راپورتەکا سالانە یا وەزارەتا دەرڤە یا ئەمریکا دەربارەی مافێ مرۆڤی و ئازادییان رەت کر، کو تێدا باس ل چەند بابەتان دەربارەی ئیراقێ کربوون.
دەربارەی وێ راپورتێ فوئاد حسێن، وەزیرێ دەرڤە یێ ئیراقێ دگەل لایەنێن حکومی یێن پەیوەندیدار ب مافێن مرۆڤی و ئازادییان ل ئیراقێ و چەند رێکخراوان کۆمبوو، گوتوبێژ ل سەر وێ راپورتێ کرن.
وەزارەتا دەرڤە یا ئیراقێ د بەیاننامەکێ دا راگەهاند، وەزیرێ دەرڤە گوهداریا بوچوونێن لایەنێن پەیوەندیدار کریە و دیاربویە، هویربینییا پێدڤی د راپورتا ئەمریکا دا ل بەرچاڤ نەهاتیە وەرگرتن و د پشکەکا راپورتێ دا زانیاریێن سالێن بوری هاتینە تۆمارکرن.
د راپورتا ئەمریکا دا ئاماژە کریە، ل ئیراقێ کوشتنا نەیاسای و کوشتنا ڤەشارتی یا هەی، تا کو ژ لایێ حکومەتێ ژی ڤە و بێ بڕیارا دادگەهێ ڤی جورێ کوشتنێ ل سەر خەلکی بجهـ دئینن، سەرەرای بێ سەروشوینکرنا وەلاتیان و ئازاردان و مامەلەکرنا نە مرۆڤانە و هوڤانە د گەل پشکەک ژ خەلکی و وەلاتیان.
Comments are closed, but trackbacks and pingbacks are open.