وەزارەتا دەرڤەیا ئەمریكا ئیرانێ تومەتباردكەت ب هێرشكرنا سەر وان كەشتیێن ئیسرائیلی یێن نەفتێ ل كەنداڤا عەرەب.
ئەنتونی بلینكن وەزیرێ دەرڤەیێ ئەمریكا د بەیاننامەكێ دا ڕاگەهاند، پشتی پێداچوونێ ب زانیاریێن بەردەست پشت ڕاستبوویە ژ هندێ ئیرانێ هێرش ئەنجامدایە بڕێیا فرۆكەیێن بێ فرۆكەڤان.
گوت ژی: واشنتن ڕاوێژێ دگەل حكومەتا ناڤچێ و دەرڤە دكەت بۆ بەرسڤدانەكا گونجایی یا هێرشێ كو دەمێ وێ یا نێزیكە.
ژلایەكێ دی ڤە وەزارەتا دەرڤەیا ئیرانێ تومەتێن لسەر ڕەتكرن و ڕاگەهاند، ب چ شێوەكی بەرپرسیار نینن ژ هێرشكرن سەر كەشتیا نەفتیا ئیسرائیلێ ل كنارێ دەریایێن عومان.
سەعید خەتیب زادە، پەیڤدارێ وەزارەتا دەرڤەیێ ئێرانێ د كۆنگرەیەكێ ڕۆژنامەڤانیدا ئاشكرا كر: ڕژێما سەهیۆنی ڕەوشەكا نەئارام و تیرۆری خۆلقاندیە، ئیران ژی ب توندی وان تومەتان ڕەتدكەت.
Comments are closed, but trackbacks and pingbacks are open.