وەزارەتا دەرڤە یا ئەمریکی ب توندی هێرشێن بەردەوام یێن ئیرانێ ب مووشەک وفرۆکەیێن بێفروکەڤان بۆ سەر هەرێما کوردستانێ شەرمەزار دکەت و داخوازا ژ ئیرانێ دکەت کو چەندین جاران و ب ئاشکرا سەروەریا ئیراقێ پێشێلکریە وان هێرشان ڕابگریت.
نڤێسینگەها نێد پرایس پەیڤدارێ وەزارەتا دەرڤە یا ئەمریکی د بەیاننامەیەکا رۆژنامەڤانیدا سەبارەت هێرشێن بەردەوام یێن ئیرانێ ب مووشەک و فڕۆکەیێن بێفروکەڤان بۆ سەر هەرێما کوردستانێ بەلاڤکر ئەم ب توندی هێرشێن بەردەوام یێن ئیرانێ ب مووشەک و فڕۆکەیێن بێفروکەڤان بۆ سەر هەرێما کوردستانێ شەرمەزار دکەین و داخوازا ژ ئیرانێ دکەین کو چەندین جاران و ب ئاشکرا سەروەریا ئیراقێ پێشێلکریە وان هێرشان ڕابگریت و خوە ژ گەفێن زێدەتر بۆ سەر ئێکپارچەییا ئاخا ئیراقێ دوور بکەت بەیاننامەیا وەزارەتا دەرڤە یا ئەمریکی ئاماژە کریە ئەمریکا ل گەل هەڤپشکێن خوە ل بەغدا و هەولێر د ڕاوەستیت و هەڤپشکا ئارمانجا حکومەتا ئیراقێ یە کو پاراستنا ئاسایش و سه‌قامگیری و سەروەریا وەلاتی یە ژ ئالیەکێ دی ڤە هەر ئێک ژ وەزارەتا دەرڤە یا ئوردنی و وەزارەتا دەرڤە یا سعودی ب توندترین شێوە هێرشێن مووشەکی یێن ئیرانێ بو سەر ئاخا هەرێما کوردستانێ و ئیراقێ شەڕمزارکرن و داخوازا وەرگرتنا پێرابوونێن پێدڤی بۆ پاراستنا گیانێ وەلاتیان و سەقامگیریا دەڤەرێ کرن.
Comments are closed, but trackbacks and pingbacks are open.