وەزارەتا ساخلەمیا حکومەتا ھەرێما کوردستانێ ئامارەکا نوی یا تووشبوون و گیان ژ دەستدانێ ب ڤایرۆسێ کۆرۆنا بەلاڤ کر

وەزارەتا ساخلەمیا حکومەتا ھەرێما کوردستانێ ئامارەکا نوی یا تووشبوون و گیان ژ دەستدانێ ب ڤایرۆسێ کۆرۆنا بەلاڤ کر و راگەھاند : دماوێ ٢٤ دەمژمێرێن بوری دا سێ ھزار و ٢٥٠ کەسێن دی تووشی ڤایرۆسێ کۆرۆنا بووینە , ٧٥٧ ل ھەولێرێ , ٩٦٨ ل سلێمانیێ , ٨٩ ل گەرمیان , ٢٩ ل راپەرین , ٤٣ ل ھەڵەبجە و ل دھۆکێ ژی ھزار و ٣٦٤ حالەت ھاتینە تۆمار کرن .

لدویڤ راگەھاندنا ساخلەمیا ھەرێمێ دماوێ ٢٤ دەمژمێرێن بوری دا ١٩ کەسێن دی گیانێ خۆ ژ دەست داینە , ٦ ل ھەولێرێ , ٤ ل سلێمانیێ , ٢ ل گەرمیان , ١ ل راپەرین و ٦ حالەت ژی ل دھۆکێ بووینە.

ھژمارا گشتیا تووشبوویێن ڤایرۆسێ کۆرۆنا ل ھەرێمێ گەھشتە ٢٢٠ ھزار و ٨١٥ کەسان , ژوانا ١٩٤ ھزار و ٤٦٨ کەس چارەسەر بووینە , ھەروەسا ٤ ھزار و ٧٢١ تووشبوویان ژی گیانێ خۆ ژ دەستداینە .