زێ بادینان :
پەیڤدارێ وەزارەتا ساخلەمییا حكومەتا هەرێما كوردستانێ دبێژیت: ئارمانجا مە ئەوە زۆرترین هژمارا مامۆستایان ڤاكسینێ دژی كۆرۆنایێ وەرگرن داكو پرۆسا سالا نوی یا خواندنێ نەڕاوەستیت.
ئاسۆ حەوێزی پەیڤدارێ وەزارەتا ساخلەمییا حكومەتا هەرێما كوردستانێ راگەهاند: ل دویڤ وێ پلانا مە دانای، ئارماندا مە ئەوە زۆرترین هژمارا مامۆستایان بهێنە ڤاكسیندان داكو پڕۆسا خواندنێ بەردەوام بیت و نەڕاوەستیت.
حەوێزی گۆت: نەشێین ڤاكسیندانانێ ل سەر مامۆستایان بكەینە مەرج، چونكی هەكە ڤێ چەندێ بكەین، دڤێت هژمارا پێدڤییا ڤاكسینان دابین بكەین، لێ دێ گرنگییەكا زێدەتر دەینە وێ چەندێ هەمی مامۆستا ڤاكسینێ وەرگرن و ل پترییا ناڤەندێن ڤاكسیندانانێ، جهێن تایبەت بۆ مامۆستایان هەنە.
گۆت ژی: ژ بەركو تێكەلبوونەكا ل ناڤبەرا مامۆستا و خویندكاران هەیە، پرۆسا وەرگرتنا ڤاكسینێ ژ لایێ مامۆستایان ڤە هاتییە بلەزئێخستن و پرۆسە گەلەك ب باشی ب رێڤە دچیت.
Comments are closed, but trackbacks and pingbacks are open.