د ڕاگەهاندنەکێ دا وەزارەتا ساخلەمیێ فەرمانەکا نوی دەربارێ دەواما نۆبەداریێ دەرێخست و ئاماژە ب وێ ژی دا پێتڤیە هەمی نوژدارێن نۆبەدار یانژی نوژدارێن هەردەمیێن کەڤن ب بەردوامی ل نەخۆشخانەیان بەرهەڤبن، د وێ فەرمانێ دا هاتیە کو مەهانە نەخشەیێ نۆبەداریێ ب فەرمانا کارگێڕی بهێتە دەرێخستن و هەلاویستن،هەروەسا ل دەمێ گۆهڕینێ پێتڤیە زووتر رێفەبەریا نەخۆشخانە و سەرۆک و سەرۆکێ نوژداران رەزامەند و هایداربن و بهێتە بەلاڤکرن.
د وێ فەرمانێدا هاتیە پێتڤیە هەمی نوژدارێن نۆبەدار یانژی نوژدارێن هەردەمیێن کەڤن ب بەردوامی ل نەخۆشخانەیان بەرهەڤبن و نابیت ل دەرڤەی نەخۆشخانێ بن، هەروەسا نابیت نوژدارێ نۆبەدار یان ژی هەردەمیێن کەڤن ل کلینیکا تایبەت یا خۆ یان ل نەخۆشخانەیێن تایبەت بیت ل رۆژا نۆبەداریێ.
لدیڤ فەرمانا وەزارەتا ساخلەمیێ بکارئینانا هێلێن پەیوەندیێ وەک (ڤایبەر و واتسئاپ و تەلەفۆن) بۆ پرسیارکرن و چارەسەرکرنێ نابیت بهێتە بکارئینان و پێتڤیە نوژدارێ نۆبەدار ژ نزیکڤە هووربینیێ بۆ نەخۆشان بکەت.
Comments are closed, but trackbacks and pingbacks are open.