وەزارەتا ساخلەمیێ هژمارا كەسێن هاتینە ڤاكسیندان دیار كر

وەزارەتا ساخلەمییا عیراقی َبەلاڤكر، هژمارا وان كەسێن هەتا نۆكە ل سەرانسەری عیراقێ ڤاكسینا كورۆنایێ وەرگرتی، گەهشتیە نێزیكی 8 ملیۆن و 500 هزار كەسان.

د راگەهاندنەكا وەزارەتا ساخلەمیا عیراقێدا هاتیە بەلاڤكرن، هەتا نوكە ل هەرێما كوردستانێ‌ و پارێزگەهێن عیراقێ 8 ملیۆن و 426 هزار و 231 كەسان ڤاكسینێ كورۆنایێ وەرگرتیە، كو 998 هزار و 273 كەس ل هەرێما كوردستانێ نە.

ل دویڤ ئامارێن وەزارەتا ساخلەمیا عیراقێ، ل دەستپێكا بەلاڤبوونا ڤایرۆسێ كورۆنایێ و هەتا نۆكە ل عیراقێ زێدەتر ژ دوو ملیون و 92 هزار كەس تووشی كورۆنایێ بوونە و 24 هزار و 115 توشبوو ژی گیانێ‌ خۆ ژ دەستدایە.