ڕێڤەبەرێ گشتیێ جێبەجێكارێ سەرژمێرییا ئاكنجیبوویان ل وەزارتا پلاندانانا عیراقێ ئاشكرا كر، ڕێژەیا ژدایكبوویان ل هەرێما كوردستانێ ژ پارێزگەهێن دی یێن عیراقێ كێمترە و هژمارا سەرجەمێ ئاكنجیبوویێن هەرێمێ ڕێژەیا 13% ژ خەلكێ عیراقێ پێك دئینیت.
سەمیر خزەیر، ڕێڤەبەرێ گشتیێ جێبەجێكارێ سەرژمێرییا ئاكنجیبوویان ل وەزارتا پلاندانانێ ڕاگەهاند، هژمارا سەرجەم ئاكنجیبوویێن هەرێمێ نێزیكی پێنج ملیۆن و 800 هزار كەسایە، د دەمەكیدا هژمارا گشتییا خەلكێ عیراقێ ب پارێزگەهێن هەرێما كوردستانێ ڤە گەهشتییە نێزكی 42 ملیۆن كەسا، و سەمیر خزەیر خۆیاكر، دناڤ پارێزگەهێن عیراقێدا پڕۆسێن ژنئینانێ زێدەترن، لەوڕا ڕێژەیا ژدایكبوویان ژی ب بڕاورد دگەل هەرێما كوردستانێ زێدەترە.
وی ڕێڤەبەرێ گشتیێ وەزارتا پلاندانانێ دازانین، پارێزگەها بەغدا 23% ژ ڕێژەیا ئاكنجیبوویێن عیراقێ پێك دئینیت، پشتی بەغدا ژی پارێزگەهێن بەسرا و مووسل دووەم و سێیەمن و پارێزگەها سلێمانیێ چوارەم پارێزگەهە بۆ زۆریا هژمارا ئانكنجیبوویان ل سەر ئاستێ عیراقێ.
Comments are closed, but trackbacks and pingbacks are open.