وەزارەتا پێشمەرگەیێ ڕاگەهاندنەک لسەر هێرشا شەڤا دەربازبووی یا گروپێ چەکداریێ داعش بەلاڤکر

پشتى ل شەڤا دەربازبووى گروپێ چەكداريێ داعش ھێرشى گوندێ خدر جيجەى كرى ل سنورێ قەرەچوغ و ب وى سەدەمى سێ وەلاتى و حەفت پێشمەرگە شەھيدبوون و ھژمارەك برينداربووين، وەزارەتا پێشمەرگەى ڕاگەھاند، “خۆينا شەھيدێن مە ب ھەروە ناچيت و تيرۆرست و ئەوێن پشتەڤانيا وانا دكەن، پێتڤيە باجەكا مەزن بدەن”.

ئەڤرۆ ئەینی، وەزارەتا پێشمەرگەیێ حکومەتا هەرێما کوردستانێ ڕاگەهاندنەک لسەر هێرشا شەڤا دەربازبووی یا گروپێ چەکداریێ داعش بۆ سەر گوندێ خدر جیجەی یێ بنارێ چیایێ قەرەچوغ بەلاڤکر و تێدا هاتیە، “دەمژمێر ١٠ی شەڤا دەربازبووی، چەکدارێن داعش دەسترێژیا گولەیان کریە سەر گوندێ خدر جیجە و د ئەنجامدا، سێ وەلاتیێن مەدەنی شەهیدبوون و هژمارەیەکا دی ژی برینداربوون”.

وەزارەتا پێشمەرگەی د ڕاگەهاندنێ دا ئاماژە ب وێیەکێ کریە، “هێزێن پێشمەرگەی ب زیترین دەم د هەوارا خەلکێ گوندی چوون و کارینە د دەمەکێ کێمدا، رەوشێ کونترۆلبکەن”.