وەزارەتا پێشمەرگەی دێ گۆهرینا د شەش پۆستێن بلند یێن وەزارەتێ دا کەت

وەزارەتا پێشمەرگەی دێ گۆهرینا د شەش پۆستێن بلند یێن وەزارەتێ دا کەت و جەبار یاوەر ل سەر بلندترین پلەیا لەشکەری ل سەرانسەری ئیراق و هەرێما کوردستانێ هاتە خانەنشین کرن

وەزارتا پێشمەرگەی دێ گورانکاریا د شەش پۆستێن بلند دا کەت و ئەمیندارێ گشتی ژی ئێک ژ وان گورانکاریایە، جڤاتا وەزیران نڤیسارەک بۆ سەرۆکاتیا هەرێما کوردستانێ هنارتیە و داخازا پەسەندکرنا گورانکاریان د وێ نڤیسارێ دا کریە.

ل گۆرەی نڤیسارا ژمارە 1067 کو ل 27ی نیسانا 2022 ژ لایێ جڤاتا وەزیران دەرکەفتیە و راوانەی سەرۆکاتیا هەرێما کوردستانێ هاتیە کرن، مەسرور بارزانی، سەرۆک وەزیرێن هەرێما کوردستانێ دخواز ژ سەرۆکاتیا هەرێما کوردستانێ کریە ل سەر راسپاردا وەزارەتا پێشمەرگەی رازەمەندیێ ل سەر گورانکاریێن ژمارەکا پۆستێن بلند یێن وێ وەزارەتێ بدەت.

پۆستێن دیارکری:

1-ڤەگوهاستنا لیوا روکن بەختیار محەممەد سدیق مەعرووف ژ شیرەتکارێ بلند یێ لەشکەری بۆ پۆستێ ئەمیندارێ گشتی یێ وەزارەتێ.

2-ڤەگوهاستنا لیوا روکن ئیبراهیم ساڵح عەبدولڕەحمان ژ لڤینەرێ لەشکەری بۆ شیرەتکارێ لەشکەری.

3-لیوا قارەمان کەمال عومەر ژ جێگرێ سەرۆکێ دەستەیا ئەرکانی بۆ شیرەتکارێ سەرۆکایەتییا هەرێما کوردستانێ.

4-عەمید دلێر ئەحمەد فەقێ رەشید ژ بەرپرسێ دەستەیا هویربینیا دارایی بۆ رێڤەبەرێ گشتی یێ چاڤدێریا دارایی.

5-عەمید وریا حەسەن زاهیر ژ جڤاتا وەزیران بۆ رێڤەبەریا گشتی یا هەواڵگێرییا پێشمەرگەی.

6-عەمیدێ یاسایی کەمال تالیب سەلام ژ هێزێن 70 بۆ رێڤەبەریا گشتی یا فەرمانگەها یاسایی.

سەرۆک وەزیرێن حکومەتا هەرێما کەردستانێ ل سەر پێشنیارا وەزارەتا پێشمەرگەی ئەڤ داخوازە ئاراستەی سەرۆکاتیا هەرێما کوردستانێ کریە.

د نڤیسارا جڤاتا وەزیرێن هەرێما کوردستانێ دا کو ئیمزا مەسرور بارزانی ل سەرە و راوانەی سەرۆکاتیا هەرێما کوردستانێ کریە، هاتیە:” هەڤپێچ وێنەیان د نڤیسارا وەزارەتا پێشمەرگەی یا ژمارە (و/ی/6) ل 26/1/2022 دگەل بەراهیان دێ بۆ هنێرین و داخواز دکەین ب لێکگوهارتتنا پلەیێن ڤان شەش بەرێزان کو د خشتەی دا ناڤ و پلەیێن وان هاتینە دیارکرن، ژ پلەیێن پێشتر بۆ پلەیێن نوکە ل گۆرەی وان جهێن کو ل بەرامبەر ناڤێن وان هاتینە دیارکرن ل سەر میلاکێ وەزارەتا دیارکری، بۆ ڤێ مەرەمێ د یاسا سەرۆکاتیتا هەرێما کوردستانێ دا بفەرموون بۆ دەرکرنا فەرمانا هەرێمی و مە ژ ئەنجامان ئاگەهدار بکەن”.

رۆژا 26-1-2022، جەبار یاوەر، ئەمیندارێ گشتی یێ وەزارەتی پێشمەرگەی هاتە خانەنشینکرن و پلەیا وی بۆ بلندترین پلەیا لەشکەری ل سەرانسەری ئیراقێ و هەرێما کوردستانێ،