وەزارەتا پێشمەرگەی ڕاگەهاند، شەڤا دەربازبووی چەکدارێن داعش ل سنورێ کفری هێرش کریە سەر پێشمەرگەی و هێرش هاتیە تێک شکاندن.
وەزارەتا پێشمەرگەی د ڕاگەهاندنەکێدا ئەو یەک دا دیارکرن، شەڤا دەربازبووی ل دەمژێر ١٠ و ١٨ خۆلەک، چەکدارێن داعشێ هێرش کریە سەر خالەکا پاسەوانێن هێزێن پێشمەرگەی لسنورێ فەوجا ٣ێ لیوایا ١٧ ێا پیادە ل سنورێ کفری.
ئاماژە ب وێژی کر، “هێزێن پێشمەرگەی ب توندی بەرسڤا هێرشا وان دایە و چەکدارێن داعشێ ڤەکشیانە”.
وەزارەتا پێشمەرگەى ڕاگەهاند ژی، ڕەوشا وی جهی دبن کۆنترۆلا هێزێن پێشپمەگەی دایە و”پێشمەرگە لسەر ژناڤبرنا داعشێ بەردەوامن”.
ل شەڤا ٢٧ ێ ڤێ مەهێ دا، ل ناحیا کولەجویا گەرمیان داعش هێرش کریە سەر سەنگەرێ پێشمەرگەی و د دەمەکیدا هاریکاری بۆ هێزێن وان چۆبوو بۆمبەیەک ب هێزێن پێشمەرگەی ڤە دتەقیت و ب وێ سەدەمێ پێنج پێشمەرگە شەهید دبن و چار ژی بریندار دبن.
Comments are closed, but trackbacks and pingbacks are open.