ئەڤرۆ ئەینی، وەزارەتا پەترۆلا عێراقێ ڕاگەهاندنەک بەلاڤکر و دناڤدا ئاماژە ب وێیەکێ کریە، لدیڤ ئامارێن دەسپێکیێن کۆمپانیا سۆمۆ د مەها ئادارێدا بڕێ ١٠٠ ملیۆن و ٥٦٣ ھزار و ٩٩٩ بەرمیلێن پەترۆلێ فرۆتینە و شاندینە ژدەرڤە.
ئەو یەک ژی دایە دیارکرن، داھاتێ پەترۆلا فرۆتی بریتییە ژ ١١ ملیار و ٧٠ ملیۆن دۆلارێن ئەمریکی. دبێژیت ژی، ئەڤە ئێکەم جارە پشتی ساڵا ١٩٧٢ ڤە حکومەتێ زۆرترین بڕێ داهاتێ پەترۆلێ بدەست کەفتیە.
لدیڤ وێ ڕاگەهاندنێ، بڕی پەترۆلا فرۆتیا کێڵگەهێن کەرکوکێ ل ڕێکا بەندەرێ جیھان ڤە دوو ملیۆن و ٤٤٨ ھزار و ٩٣٥ بەرمیل بوونە د ڕۆژەکێدا.
هەر لدیڤ ڕاگەهاندنا وەزارەتا پەترۆلێ، بڕێ پەترۆلا فرۆتیا کێڵگەهێن ناڤەڕاست و باشورێ عێراقێ ٩٩ ملیۆن و ١١٥ ھزار و ٦٤ بەرمیل بوونە.
بەحسا وێیەکێ ژی کریە، کۆما بڕی پەترۆلا شاندیا ڕۆژانە سێ ملیۆن و ٢٤٤ هزار بەرمیل بوونە و هەر بەرمیلەک ژی ب ١١٠ دۆلار و نەهـ سەنتان فرۆتیە.
Comments are closed, but trackbacks and pingbacks are open.