وەزارەتا کارەبێ ، هەتا نوکە 568 هزار پێڤەر هاتنە گرێدان
زێ بادینان :
ئەڤرۆ وەزیرێ کارەبا حکومەتا ھەرێما کوردستانێ دگەل لیژنا وزە و سامانێن سرۆشتیێن پەرلەمانێ کوردستانێ کۆمبوو .
دکۆنگرەکێ رۆژنامەڤانی ژی دا عەلی حەمە ساڵح سەرۆکێ لیژنا وزە و سامانێن سرۆشتی راگەھاند : ٤٣% یا وزەیا کارەبێ ل ھەرێمێ ب ھەدەر دچیت و ئەگەر ئەو ئاریشە بھێتە کرنترۆڵ کرن ھەتا رادەیەکی ئاریشا کارەبێ دێ چارەسەر بیت .
دیار ژی کر : خواندنا ئێکێ بۆ یاسایا ژمارە پێنج یا ساڵا ٢٠٠٦ ێ کرن و مژویلی ئامادەکرنا راپۆرتەکێ نە بۆ خواندنا دووێ , داکو دماوێ ١٠ رۆژێن بھێت دا یاسایا تایبەت یا وەزارەتا کارەبێ بھێتە دەرکرن بۆ چارەسەرکرنا ئاریشا کارەبێ .
ھەروەسا کەمال موسلم وەزیرێ کارەبا حکومەتا ھەرێمێ دوی کۆنگرێ رۆژنامەڤانی دا راگەھاند : ئەڤرۆ ل پەرلەمانی دگەل لیژنا سامانێن سرۆشتی کۆمبووینە بۆ راستڤەکرنا یاسایا ژمارە پێنج یا ساڵا ٢٠٠٦ ێ یا وەزارەتا کارەبێ کو نوکە پێدڤی ب راستڤەکرنێ ھەیە .
ئاماژە بۆ وێ چەندێ ژی کر : ھەتا نوکە ٥٦٨ ھزار پێڤەر ل ھەرێما کوردستانێ ھاتینە گرێدان و پلانا وان ئەوە ھەتا دوماھیکا ساڵێ ئەو پرۆژە بھێتە تمام کرن .
Comments are closed, but trackbacks and pingbacks are open.