پشتی وێیەکێ د تۆڕا جڤاکی دا هەلمەتەک “بۆ ژێ ڤەکرنا پیڤەرێ کارەبێ ل سوبەهی ئێکشەمبێ” دەستپێکری، ئەڤرۆ وەزارەتا کارەبا هەرێمێ زەلالکرنەک بەلاڤکر و دبێژیت، “پرۆژەیێ پیڤەرێ زیرەکێ کارەبێ ئێکە ژ پرۆژەیێن گرنگ و سەرکەفتی یێن کەرتێ کارەبا هەرێمێ و رۆلەکێ گرنگ بۆ چارەسەرکرنا ئاریشەیا کارەبێ هەیە”.
ئاماژە ب وێیەکێ ژی کر، “هەیا نها ٧٩%ێ یا پرۆژەی تەمام بوویە و هەمی تایبەتمەندیێن وێ ژی نەئێخستینە کاری، لێ دگەل وێیەکێ ژی شیایە ب ئاوایەکێ بەرچاڤ سەرپێچییان لسەر تەوەرێ کارەب و زیانگەهاندنا وان ب ئامیرەیێن کارەبێ ژ وان ژی سوتنا دەبلێ تاخان و ئۆڤەرلۆد بوونا فیدەران کێم بکەتن و دادپەروەریێ د پارڤەکرنێ دا بدەستڤە بینیت”.
بەحسا وێیەکێ ژی کریە، “پیڤەرێ زیرەک بسەدەما کارتێکرنێن ئەرێنی، نەرازیبوونا وان کەسان لدیڤ خۆ ئینایە، کو سالانە لسەر حسابا بەرژەوەندیا گشتی، ب سەرپێچیا یاسای، کارەبێ ددزن و پارەیێ کریا کارەبێ نادەن و مافێ خەلکی پێشێل دکەن”.
ڕاگەهاندیەژی، “کێمیا دەمێ پێدانا کارەبێ چ پەیوەندی ب پیڤەرێ زیرەکڤە نینە، بەلکۆ د پلەیا ئێکێ دا پەیوەندی ب ئاستێ بەرهەمئینانا کارەبێ و پشترە ژی بلندبوونا خواستا لسەر کارەبێ و بلندبوونا ژمارا هەڤبەشێن کارەبێ هەیە”.
گوتیە ژی، پیڤەرێ زیرەک د ڤی دەمێ هەستیاردا، کو ب سەدەما نەبوونا سوتەمەنیێ و شایستەیێن دارایێن کۆمپانیێن بەرهەمئینانا کارەبێ، ئاستێ بەرهەمئینانا کارەبێ نیڤا خواستێ لسەر کارەبێ دژی دکەت، رۆلەکێ گرنگ د نەهێلانا بهەدەرردانا کارەبێ و پاراستنا ئەڤی سامانێ نشتیمانی یە لسەر تێکچوون و شەوتاندن و سەرپێچییان گرتیە”.
Comments are closed, but trackbacks and pingbacks are open.