وەزارەتا کۆچ و کۆچبەرێن عیراقێ ھۆشداریێ ژ ھاتنا تیرۆرستان ب ڕێیا کەمپێن سوریا بۆ عیراقێ دھێتە دان.
کەریم نوری بریکارێ وەزیرێ کۆچ و کۆچبەران ب سازیین میدیا عیراقی راگەھاندیە ، کو رێ ب ڤەگوھاستنا چ تیرۆرستان ژ کەمپێن سوریا بۆ عیراقێ نادەن . ھۆشداری ژی دا ل دور ئەگەرێ بۆیەرەکا ژ ڤی رەنگی.
کەریم نوری تەکەز ژی کر کو وەزارەتا کۆچ و کۆچبەران ھەر ل گەل ھەبوونا ناڤێ تیرۆرستەکی یان گۆمان لێکریەکی دێ دەستوەردانێ کەت و ئەگەر ب ھەر ڕێیەکێ ھاتبنە ناڤ عیراقێ زیندان دێ پێشوازیا وان کەت.
ئەڤ داخۆیانیا بریکارێ وەزیرێ کۆچ و کۆچبەرێن عیراقێ پشتی وێ یەکێ دھێت کو لیژنا پەیوەندیێن دەرڤە یا جڤاتا نوێنەرێن عیراقێ ھۆشداری دای ژ پلانا ھاتنا تیرۆرستان ژ سوریا بۆ عیراقێ ژ کەمپا ھۆڵ یا سوریا بۆ کەمپا جەدعە یا عیراقێ و داخواز کر ئەو تیرۆرستە بھێنە ڤەگەڕاندن بۆ وەلاتێن وان .
Comments are closed, but trackbacks and pingbacks are open.