ئەڤرۆ ئێکشەمبی 20-3-2022 وەزیرێ دارایی یێ حکومەتا هەرێما کوردستانێ ب فەرمانەکا وەزاری بۆ دەستکار پێکێشانا روقیا عومەر سەعید، رێڤەبەرا بانکا تانجەرۆ دەرێخست.
ل گۆرەی فەرمانێ بۆ برێڤە برنا کارێن بانکا تانجەرۆ، تارا سالح محەمەد، جێگرا رێڤەبەرا بانکێ هاتە راسپاردن.
هەر د وێ فەرمانێ دا داخوازا پێکئینانا لژنەکا ڤەکۆلینێ بۆ ئەگەرێ گیان ژ دەست دانا دوو وەلاتیان ل دەمێ وەرگرتنا مووچێ خانەنشینان هاتیە کرن، ئەو لژنە دێ ب سەرۆکاتی و ئەندامەتیا زانا محەمەد قادر، رێڤەبەرێ کاروبارێن یاسای ل سلێمانیێ و ئاشتی کەریم سەیفوللا، رێڤەبەرێ گشتی یێ بانکا ناڤەڤدی یا هەرێما کوردستانێ ل سلێمانیێ و دەرسیم نەوزاد محەمەد، رێڤەبەرێ خانەنشینێن سلێمانیێ و سەرۆکاتیا داخوازکەرێ گشتی ل سلێمانیێ بیت.
د فەرمانا وەزاری دا ئاماژە کریە، فەرمان دێ ل رۆژا دەرکەفتنێ هێتە بجهئینان.
Comments are closed, but trackbacks and pingbacks are open.