وەزیرێ پەروەردا حکومەتا هەرێمێ ڕاگەهاند، وەزارەتا ساخلەمیێ ب لژنەیا بەرهنگاریبوونا کۆرۆنایێ ڕاگەهاندیە پرۆسەیا خاندنێ دێ بەرەوامبیت.
ئەڤرۆ دووشەمبی، ئالان حەمە سەعید وەزیرێ پەروەردا هەرێمێ د کۆنفرانسەکێ رۆژنامەڤانیدا ڕاگەهاند، وەرزێ ئێکێ یێ خاندنێ ب سەرکەفتی تەمامبوویە و لدویف رێنمایێن وەزارەتا ساخلەمیێ کو ئاراستەی لژنەیا بلندا بەرهنگاریبوونا کۆرۆنایێ پرۆسەیا خاندنێ دناڤ هۆلێن خاندنێدا دێ بەردەوامبیت.
ئاماژە ب وێیەکێ ژی کریە، ژ ئەڤرۆ هەیا ٢٠ی ڤێ مەهێ هەلسەنگاندن بۆ بازنەیا ئێکێ یا پۆلێن نە داویێین ئێکێ و دووێ و سێیێ بنەرەتی و تاقیکرنا نڤیسینەکا داویێ وەرزێ ئێکێ بۆ پۆلێن چارێ بنەرەت هەیا قۆناغا ١٢ ئامادەیێ دەستپێکرینە و دێ بەردەوامبن.
وەزیرێ پەروەردێ دیارکر ژی، “ژ پێخەمەتە سەرکەفتنا پرۆسەیا تاقیکرنان و پاراستنا ساخلەمیا هەمی ئالیەکی مە داخازکریە تەڤایا ماموستایان و خوێندکار ماسکی گرێبدەن و پێگیریێ رێنمایان بکەن”.
دەربارەی وێیەکێ پشکەک ژ خاندنگەهێن د کابینەیان دا دەوامێ دکەن و پشکەکا دیا پەتڕۆلێ پێنەگەهشتی، ئالان حەمە سەعید وەزیرێ پەروەردا هەرێمێ گوتی، حکومەتا هەرێمێ کوژمێ زێدەتر ژ پێنج ملیۆن و ٥٠٠ هزار لیترێن پەتڕۆلا سپی ب بهایێ نێزیکی چار ملیار دیناران بۆ خاندنگەهان دابینکریە.
Comments are closed, but trackbacks and pingbacks are open.