وەزیرێ پەروەردێ ،بۆ ڤەكرنا دەرگەهێن ناڤەندێن خواندنێ پێدڤییە دویڤچوونا رەوشێ بهێتە

وەزیرێ پەروەردێ د حكومەتا هەرێما كوردستانێ دا دبێژیت: هەتا نۆكە مە چ بڕیار بۆ ڤەكرنا ناڤەندێن خواندنێ نەداینە، لێ مسۆگەر دێ كۆمبوونێ ل سەر كەین پاشی دێ بڕیار ل سەر پرۆسا خواندنێ هێتە دان.

ئالان حەمە سەعید وەزیرێ پەروەردێ د حكومەتا هەرێما كوردستانێ دا راگەهاند: بۆ ڤەكرنا دەرگەهێن ناڤەندێن خواندنێ، پێدڤییە دویڤچوونا رەوشێ بهێتە كرن، مە ژی وەك وەزارت، هێشتا چ بڕیار نەداینە و لیژنا بلندا روی ب رویبوونا كۆرۆنایێ دێ وێ چەندێ ئێكلا كەت.

وەزیرێ پەروەردێ گۆت ژی: هێشتا مە راپۆرتا خۆ یا دویماهیێ ل سەر پرۆسا خواندنێ ئامادە نەكریە و مە چ پێشنیار ژی نەداینە لیژنا بلندا روی ب رویبوونا كۆرۆنایێ، لێ پشتڕاست دێ كۆم بین و دێ بڕیارێ ل سەر پرۆسا خواندنا ئەڤ سالە دەین