وەزیرێ پەروەردا هەرێمێ دەربارەی پاشخستنا دەواما قوتابخانەیان زەلالکرنەک بەلاڤکر و تێدا ڕاگەهاندیە، چ پلانەک بۆ پاشخستنا دەوامێ نینە و د دەمێ خۆدا قوتابی دێ چنە قوتابخانەیان.
پشتی وێیەکێ د تۆرێن جڤاکی دا داخاز ژ وەزارەتا پەروەردێ هاتیە کرن ژبەر گەرمێ و نەبوونا فێنککەران دناڤ قوتابخانەیان دا دەستپێکرنا دەوامێ بهێتە پاشخستن، ئالان حەمەسەعید وەزیرێ پەروەردێ هاتە دەنگ.
وەزیرێ پەروەردێ د کۆمێنتەکا ئێک ژ پۆستێن کو ژ ئالیێ وەلاتیەکێ ڤە هاتیە بەلاڤکرن نڤێسایە، سالا دەربازبووی ١٤ی ئەیلولێ دەواما قوتابخانەیانە بۆ قوتابیان و ئەڤ سالە ژی ل ١٣ی ئەیلولێ دێ دەستپێکەتن. دبێژیت ژی، “نازانم بۆچی پار ئەو داخازیە نەبوو”.
وەزیرێ پەروەردێ ئاماژە ب وێیەکێ ژیکریە، “ئەرێ مەها ٦ و ٧ نەیا گەرمە؟ ئەرێ گۆنجای یە مەها ٦ دەوام بمینیت”.
ڕاگەهاند ژی، “بەرێ خۆ بدەنە سالنامەیا خواندنێ هەمی تشت لبەر چاڤ هاتینە وەرگرتن، کو بەری ٢٤ی ١٢ وەرزێ ئێکێ ب ئەزمۆنان ژی بهێتە تەمامکرن”.
بەحسا وێیەکێ ژیکر، “نێزیکی پێج هزار فێنککەر هاتینە کڕین بۆ ناڤەندێن خواندنێ، ل داویێ ژی دبێژم بەرێ خۆ بدەنە پێشبینیێن سەقایێ هەیا ٢٠ رۆژێن دی ژی پلەیێن گەرمێ هەمان پلەنە، ئێک کێمترە یان زێدەتر”.
بڕیارە ١٣ی ڤێ مەهێ، رۆژا سێشەمبی، دەواما قوتابیان ل ناڤەندێن خواندنێ دەستپێ دکەت و زەنگا سالا نوویا خاندنێ ٢٠٢٢-٢٠٢٣ێ دهێتە لێدان.
Comments are closed, but trackbacks and pingbacks are open.