ئاڵان سەعید، ەزیرێ پەروەردێ دحكومەتا هەرێما كوردستانێدا ڕاگەهاند، ڕازەمەندی هاتییەكرن بۆ خەرجكرنا كوژمێ چوار ملیار و 167 ملیون و 584 هزار دیناران بۆ چاڤدێرێن تاقیكرنێن هەردوو خولێن ئێكێ و دوویێ بۆ ساڵا خواندنێ 2020 ـ 2021، و داخواز ژ ڕێڤەبەریێن گشتیێن پەروەردێن پارێزگەهـ و ئیدارێن سەربخۆ هاتییەكرن ب زووترین دەم شایستێن خۆ یێن دارایی ب ڕێیا سیستەمێ (كەی ئێف ئێم ئێس) پێشكێش بكەن.
ل گورەی نڤیسارا ژمارە (3719) كو ل 16 ڤێ مەهێ ژ سەرۆكاتییا جڤاتا وەزیرێن هەرێمێ لژێر ناڤێ (بوودجێ ئەزموونێن 2020 ـ 2021) دەرچوویە، بڕیار هاتەدان بۆ خەرجكرنا پارێ چاڤدێرێن تاقیكرنان ل پارێزگەهێ هەولێ و دهوك و سلێمانی و هەڵەبجە و ئیدارا گەرمیان.
هەتا نوكە مووچێ هەیڤا شواتێ یێ وەزارەتا پەروەردێ نەهاتییە دابەشكرن، بەلێ سەرۆكێ حكومەتا هەرێما كوردستانێ ڕاگەهاند، پارێ پێدڤی بۆ دابەشكرنا مووچێ هەیڤا شواتێ یێ هاتییە دابینكرن، و بڕیار هاتییە دان د ڕۆژێن بێهنڤەدانا جەژنا نەوروزێدا دابەشكرنا مووچەی یا بەردەوام بیت.
Comments are closed, but trackbacks and pingbacks are open.