وەزیرێ پەروەردێ ئاشکراکر، پشتی جەژنێ دێ تاقیکرن ھێنە دەستپێکرن و دوماھی ب سالا خواندنێ بھێت.
ل دۆر مامۆستایێن گرێبەست ژی گۆت: ل گورەی رێنمایان نوکە باشترە رەوشا مامۆستایێن گرێبەست.
ئالان حەمە سەعید، وەزیرێ پەروەردێ د داخویانیەکا رۆژنامەڤانی دا راگەھاند” سالا خواندنێ ب تنێ ٢٠ رۆژەک ماینە و پشتی جەژنا رەمەزانێ دێ تاقیکرنێن ئەڤسالە ھێنەکرن و بشێوەیەکێ گشتی سالا خواندنێ بشێوەیەکێ ئاسایی بڕێڤەچوویە، پرۆسا خواندنێ نەھاتیە راگرتن ل ھیچ دەڤەرەکێ.
ئالان حەمە سەعید ئاماژەکر” ئەڤ سالە گرنگیەکا تایبەت ب مامۆستایێن وانەبێژ ھاتیەدان و ل گورەی رێنمایێن دارایی ھژمار ١٤ یا سالا ٢٠٢١ێ ژلایێ رێڤەبەرایەتیێن گشتیێن پەروەردێن پارێزگەھان مامۆستایێن گرێبەست ھاتینە دانان، ئەم مامۆستایێن گرێبەست ب گرنگ دزانین بۆ کەرتێ پەروەردێ و بەردەوام بزاڤ ھاتینەکرن بۆ خزمەت کرنا مامۆستایێن گرێبەست.
Comments are closed, but trackbacks and pingbacks are open.