وەزیرێ کارەبێ: ژبەر قەیرانا ئابوری و نەبوونا سوتەمەنیێ نەشیایینە ٢٤ دەمژمێران کارەبێ دابینبکەین
وەزیرێ کارەبا حکومەتا ھەرێما کوردستانێ راگەھاند: بەرھەمئینانا کارەبێ ل ھەرێمێ د ئاستێ پێتڤیدایە، لێ ژبەر قەیرانا ئابوری و دابین نەکرنا سوتەمەنیێ نەشیایینە ٢٤ دەمژمێران کارەبێ بۆ وەڵاتیان دابینبکەیین.
رۆژا دووشەمبیا ئەڤرۆ ١٦ێ مەھا ٨ یا ساڵا ٢٠٢١ ل باژێرێ ھەولێرێ وێستگەھەکا کارەبێ یا ١٣٢ کەیڤی ھاتە ڤەکرن و کەمال محەمەد وەزیرێ کارەبا ھەرێمێ گوتارەک پێشکێشکر و تێدا راگەھاند: د ماوێ دوو ساڵێن دەربازبوویدا ٦١٥ مێگاواتێن کارەبێ ئێخستینە سەر توڕا کارەبا نیشتیمانی.
گوت ژی،” دوماھیا ڤێ مەھێ درۆستکرنا سێ وێستگەھێن بەرھەمئینانا کارەبێ ژ تیشکا رۆژێ دێ ب کۆمپانیا جێبەجێکار ھێتەدان و ھەر وێستگەھەکێ ژی شیانێن بەرھەمئینانا ٧٥ مێگاواتێن کارەبێ ھەنە، ب ڤێ چەندێ ژی بۆ ئێکەمین جاری ل ھەرێما کوردستانێ دێ کارەب ب تیشکا رۆژێ ھێتە بەرھەمئینان
Comments are closed, but trackbacks and pingbacks are open.