پشتی ئەنجامدانا گوھۆرینان د کابینا حکومەتا کاتی دا ، ئەفسەرێن لەشکەرێ وەلاتێ مالی ھەرئێک ژ سەرۆک و سەرۆک وەزیر و وەزیرێ بەڕەڤانیێ ل وی وەلاتی دەستەسەرکرن.
ل گور ھندەک ژێدەرێن دیپلۆماسی کو بۆ ئاژانسا رۆیتەرز پەیڤینە ، باھـ نەدوو سەرۆکێ مالی و مەختار وادێ سەرۆک وەزیر و سولەیمان دوکوری وەزیرێ بەڕەڤانێ ب زۆری ژلایێ لەشکەری ڤە ھاتینە ڤەگۆھاستن بۆ بنگەھەکێ لەشکەری ل باماکۆیا پایتەخت.
بریاربوو سەرۆک و سەرۆک وەزیرێ مالی د دەمێ ١٨ مەھێن حکومەتا کاتی دا دەستھەلاتا لەشکەری بۆ دەستھەلاتا سڤیل بگوھۆرن، لێ پشتی ئەنجامدانا گوھۆرینان د کابینا حکومەتێ دا کو دوو ئەندامێن جڤاتا لەشکەری ھاتینە لادانا ، سەرۆک و سەرۆک وەزیر ھاتنە دەستەسەرکرن.
کۆمارا مالی دکەڤیتە رۆژئاڤایێ ئەفریقیا و ھەشتەمین مەزنە وەلاتێ وی کیشوەری یە . و ل گور داوی سەرژمێری ژی ، ھژمارا خۆجھێن وێ ژی ١٩ ملیۆن و ١٠٠ ھزار کەسن
Comments are closed, but trackbacks and pingbacks are open.