رزگار کێستەی
ئێدی ئێڤارێن من
نە وەکی هەموو ئێڤارانە
لێ ئێڤارێن من
ئێڤارێن چاڤەرێبوونەکا پڕی ئەڤینن
ئەز ل بەندا
سلاڤەکێ مە
ل بەندا ماچەکێ مە
ل بەندا کورتە هەلبەستەکێ مە
بێت و بێژیتە من
ئەی شاهێ من
حەژ تە دکەم
ئێدی شەڤێن من
نە وەک شەڤێن خەلکینە
شەڤێن من
ب ئەڤینێ دئاڤسن
ب هەستا د دا گرتینە
ب خەونەکا ڕاستین
تژی هەمبێز و ماچ و ئەڤینە
سپێدەیێن من بەری رۆژێ
بەری چیچکا
بەری کەوا
دهشیارن و
ل بەندا
هشیار بوونا چاڤێن خەونێ نە
ئەو خەونا
نە تەنێ ب شەڤ
لێ ب رۆژ و
سپێدە و ئێڤاران
ب شەڤ و نیڤ شەڤ
ئو تەڤ کێلیکان
ئەز ب ئەڤینا وێ
ب هیڤیا وێ
ب خەونا وێ دژیم
لۆما هەموو سپێدا
بەری کەوا
بەری چیچکا
ل بەندا ژ خەو رابوونا خەونا خۆ مە
ئەو خەونا
دلێ من کریە گول
هەستێن من کرینە گولستانەکا رەنگین
ژیانا من
تەڤ کریە ئەڤین
ل ئەلندا سپێدێ
ل بەندا تە مە خەونا من
دا دناڤ هەست و هەلبەستا دا
تێر تێر هەڤدوو ماچ و هەمبێز بکەین
ڕەنگ و شەوقێ
بدەینە ژینا شرین
وەکی دوو پەلاتینکا
ب هەڤرە بفرین
ب هەڤرە بفرین
Comments are closed, but trackbacks and pingbacks are open.