بڕیارە سبەهی رۆژا پێنج شەمبی سەرۆکایەتیا پەرلەمانی و فڕاکسیۆنێن پەرلەمانی لدۆر پرسا کۆمسیۆنێ و هەلبژارتنان کۆمببیت، سەرۆکێ فڕاکسیۆنا پارتی بۆ ئاژانسا خانی گوت، پێدڤییه هەلبژارتن ددەمێ خۆ بڕێڤەبچن و پشکا پارتی ل کۆمسیۆنێ بهێتە زێدەکرن.
زانا مەلا خالد، سەرۆکێ فڕاکسیۆنا پارتی لپه‌رلەمانێ کوردستانێ بۆ ئاژانسا خانی دیارکر” پارتی خۆ ژبۆی کۆمبوونا سبەهی یا دەستەیا سەرۆکایەتیا پەرلەمانی و فڕاکسێۆنان بەرهەڤکریە و تێدا دێ بۆچوونا پاڕتی لدۆر کۆمسیۆنێ و رێڤەچوونا هەلبژارتنان دیار بکەین و دێ بۆچوونا پارتی گەهینین و ئەم دێ خودان بڕیارا خۆبین د کۆمبوونا رۆژا پێنج شەمبی دا.
سەرۆکێ فڕاکسیۆنا پارتی گۆتژی” پارتی دگەل برێڤەچوونا هەلبژارتنێن پەرلەمانێ کوردستانێ یە ددەمێ دیاری کری دا دوماهیا سالا داهاتی 2022یێ، بەلێ بەری ژڤانێ هەلبژارتنان بهێته دیارکرن، پێدڤیە پرسا کۆمسیۆنێ بهێته ئێکلاکرن.
زانا مەلا خالد ئاماژەکر” ئەم دگەل هەلبژاتنا جڤاته‌كا نووینە بۆ کۆمسیۆنێ، بەلێ دڤێت پشکا پارتی بهێتە زێدەکرن بشێوەیەکی هەر حزبەکێ گورەی قەبارێ کۆرسیێن پەرلەمانی پشکداری هەبیت دناڤا کۆمسیۆنا هەلبژارتنان.
Comments are closed, but trackbacks and pingbacks are open.