پارتى ديموكراتى كوردستان راگه‌هاندنه‌ك ده‌رباره‌یی كۆمبوونا ئه‌ڤرۆ ئێكشه‌مبی 8/5/2022 ێ یا جڤاتا سه‌ركردايه‌تيێ به‌لاڤكر.
د وێ راگه‌هاندنێ دا هاتییه ” ئه‌ڤرۆ ب سه‌رپه‌رشتيیا سه‌رۆك بارزانى و ب به‌رهه‌ڤبوونا جێگرێ سه‌رۆكێ پارتى، جڤاتا سه‌ركردا‌تييا پارتى كۆمبوونا ئاسايى يا خۆ گرێدا.
د ته‌وه‌رێ ئێكێ يێ كۆمبوونێ دا” ره‌وشا عيراقێ پشتى هه‌لبژارتنێن جڤاتا نوونه‌ران و پرۆسا پێكئينانا هه‌ڤپه‌يمانيیا رزگاركرنا نيشتيمانى و ئاسته‌نگێن ل هه‌مبه‌ر پێكئينانا كابينا نوو يا حكومه‌تێ هاته كرن و بڕيار هاتییه دان كو د رۆژێن بهێت دا پارتى ژماره‌كا كۆمبوونان ل گه‌ل هه‌ڤپه‌يمانێن خۆ و لايه‌نێن دى يێن په‌يوه‌نديدار گرێده‌ت.
د كۆمبوونێ دا دوپاتى ل سه‌ر دروستكرنا سازيێن ده‌ستوورى ل عيراقێ هاتییه كرن وه‌كى جڤاتا فيدرالى و دامه‌زراندنا دادگه‌ها فيدرالى لدووڤ ده‌ستوورێ عيراقێ و دانانا ياسايا نه‌فت و غازێ ل ژێر سيبه‌را مادێن ده‌ستوورى.
هه‌روه‌سا به‌حسێ ره‌وشا ناڤخۆيێ يا كوردستانێ و بزاڤ و گاڤێن پارتى ل گه‌ل لايه‌نێن سياسى يێن كوردستانێ ب ئه‌نجامدانا كۆمبوونان و سه‌ره‌دانا هه‌موو لايه‌نان ژ وان ژى يێن چ كورسى بده‌ستڤه‌نه‌ئيناين هاته كرن.
د كۆمبوونێ دا دووپاتى ل سه‌ر چڕكرنا بزاڤان بۆ ئاسايكرنا ره‌وشێ و لێكتێگه‌هشتنێ بۆ چاره‌سه‌ريا كێشان ل سه‌ر بنه‌مايێ پاراستنا به‌رژه‌وه‌نديێن بلند يێن نه‌ته‌وه‌يى و نيشتيمانى و تێپه‌راندنا وان به‌رژه‌وه‌نديان ل سه‌ر به‌رژه‌وه‌نديێن حزبايه‌تى كر.
دیسان د كۆمبوونێ دا داخواز ژ هه‌موو لايه‌نان هاته كرن كو ل سه‌ر بنه‌مايێن نه‌گوهۆڕ يێن نيشتيمانى و مافێن ده‌ستوورى ژ ئێكدو نزيك ببن و كارێ هه‌ڤپشك بهێته كرن.
ته‌وه‌رێ سيیێ يێ كۆمبوونێ ل دۆر ره‌وشا هه‌رێمايه‌تى بوو و دووپاتى ل سه‌ر به‌رده‌واميا په‌يوه‌نديان ل گه‌ل وه‌لاتێن جيران هاته كرن و گۆتییه ژی ” چاڤه‌رێ دكه‌ين لايه‌نێن سياسى يێن پارچێن دى يێن كوردستانێ نه‌بنه ئه‌گه‌رێ دروستكرنا كێشه و ئاريشێن سياسى و ئابوورى بۆ هه‌رێما كوردستانێ و ره‌وشا نوكه ل به‌رچاڤ وه‌ربگرن.
ته‌وه‌رێ چارێ يێ كۆمبوونێ ل دۆر هه‌لبژارتنێن په‌رله‌مانێ كوردستانێ بوو” دووپاتی ل سه‌ر ئه‌نجامدانا هه‌لبژارتنان كر د ده‌مێ خۆ دا، هه‌روه‌سا ئه‌داكرنا په‌رله‌مانى بۆ ئه‌ركێ ياسايى يێ خۆ و كاراكرنا كۆميسيۆنا هه‌لبژارتنان هاته كرن.
هه‌روه‌سا داخواز ژ لايه‌نان هاته كرن كو بگه‌هنه رێككه‌فتنه‌كێ دا كو په‌رله‌مان نه‌هێته په‌كخستن.
ته‌وه‌رێ پێنجێ يێ كۆمبوونێ دا پشته‌ڤانى بۆ حكومه‌تا هه‌رێما كوردستانێ و به‌رنامێ چاكسازيێ يێ حكومه‌تێ هاته كرن.
ته‌وه‌رێ شه‌شێ دانوستاندن ل سه‌ر ره‌وشا ناڤخۆیی یا پارتی هاته كرن و داوی هه‌لسه‌نگاندن و لێكدانه‌ڤه هاتنه كرن و ئه‌ڤ بریاره ده‌ركرن:
1- پركرنا ڤالاهیێن جڤاتا سه‌ركردایه‌تییێ، كو سێ ژ ئه‌ندامێن وێ وه‌غه‌ر كرینه، له‌و‌ما بڕیار هاته‌دان سێ ئه‌ندامێن دیتر یێن یه‌ده‌ك جهێ وان بگرن.
2- به‌ستنا كۆنگرێ چاردێ یێ پارتی ل وه‌رزێ پاییزا ئه‌ڤ ساله دا، بۆ ڤێ مه‌به‌ستێ ژی ده‌ستهه‌لاتا ته‌مام دایه مه‌كته‌با سیاسی، بۆ پێكئینانا لژنا ئاماده‌كار و لیژنێن دیتر، لدووڤ په‌یره‌وێ ناڤخۆ یێ پارتی،
Comments are closed, but trackbacks and pingbacks are open.