پارتی و هەڵبژاردن

بێوارحسێن زێباری، هەولێر:
ل دەستپێکێ دێ ڕۆناهیەکێ ئێخینە سەر بەری بانگەشەیا هەلبژارنان، کو ئەو ژی پتریا خەلکێ مە دگوت هەر ناهێنە ئەنجامدان و ئەڤ هەلبژاردنە ناهێنە کرن.
لێ ب هەر حال ٢٠ێ ئوکتۆبەرێ هاتە دەستنیشانکرن و ٢٥ێ ئەیلولێ کو ڕۆژەک مێژوویە بۆ گەلێ کورد ، ئەوێن پاراستن و بەرگڕیا قــــەوارەیا هەرێما کوردستانێ دکەن، ب گەرم و خۆرشڤە هەر ژ دەستپێکا بانگەشێ لایەنگر و پارتیزانان ب هێمنی و ئارامی دەست پێکر و بەرەڤ ڕۆژا دەنگدانێ چوون.
لێ دڕوشمێن لایەنێن دیتر و پارتی، ژێک جودا بوون، چەوا ئەم بێژین ئەرد و ئەسمان لێک جودانە وەسانێ ئەو ژی ژێکجوودابوون، پارتی ب پێکڤە ژیانی و خۆڕاگری هاتە مەیدانێ و ب خۆڕاگری ژی دەرکەفت ل مەیدانێ.
ئەڤا هەنێ هەموو ئەو بوویە کو خەلکەکێ ترسا وێ چەندێ هەبوویە کو ڕێژەکا زۆر ئێکجار قەستا سندوقێن دەنگدانێ ناکەن و دبیت هەر نەهێنە کرنێ ژی.
لێ پارتی، و جەماوەرێ وێ جارەک دی سەلماند کو دبیت تنێ ل سالێن دەستپێکێ ژی تا نوکە ئەڤ ڕێژە و دەستکەفتە ب دەستڤە نەئینابیت و دبیت زێدەتر ژی هەبیت، لێ هەر حال ئەڤە بوویە ئێک ژ سەرکەفتی ترین و پاکژترین هەلبژاردن .
هەتا دەولەتێن بیانی، یێن زلهێز ل سەر ڤێ چەندێ پەیامێن ڕۆهن و ئاشکرا دا دبێژن و ئەڤ تشتەک گرنگ و باشبوویە و پیرۆزباهیا کوردستانێ دکەن. زۆر لایەنان دگوت، پارتی هــــــەردەم تەزویرێ دکەت ل سەر هەلبژاردنان، لێ ئەڤجارە هەر دەستێ پارتی دا نەبوویە و ژ بەرهندێ هەموو لایەنان خۆ بێ دەنگ کریە، بەس پارتی سەرپەرشتی ناکەت و هەر بوویە ئێکەم و هەر ب ئێکەم ژی دمینیتەڤە پارتی.
وەلاتییێن کوردستانێ دوپات کرەڤە، کو کوردستان و میللەت، پێدڤی ب هەبوونا هێزەکا خۆڕاگر و بەڕگری کرنێ یە و کو هەردەم سنوور و ئاخ و قەوارەیا کوردستانێ بپارێزیت، تنێ ئەو ژی دێ پارتی بیت ژ بەرهندێ جارەک دی بۆ خەلکی دیار بوو کو هەر پارتی یە کوردستانێ پارێزیت.
ڕاستە جەماوەری گلەیی هەین ل سەر دەنگدانێ بەلێ نەک ل سەر پارتی و حزبا خۆ، ئەو ژی ل سەر ڕێنیشاندەرێن دەڤەرا خۆ هەنە و دبێژن سەرۆک عەشیرەتێن مە سەدەمن کو کاندیدێن مە دەرنەچوونە و وانا د کەنە ئەگەر و ئەو ژی چ ناهێتە گوهۆرین و زێدەتر خەلکی دێ یا ڕژد بیت ل سەر بەردەوامییا خۆ بۆ دۆزا گەلێ کورد و کوردستانیان.
هەر پارتی بوویە و دێ پارتی بیت ژی، کو بەڕگریێ گەل و وەلاتێ خۆ بکەت، و ببیتە چەپەر ژ بەر سینگێ نەحەزو نەیارێن جەماوەرێ خۆ و هەردەم یا سەرکەفتی بیت و ڕۆژ ب ڕۆژ زێدەتر پیگەهێ خۆ ل ناڤخۆیی و دەرڤەیێ وەلاتی ژی بهێز دکەت و هێزکریە.
ل ڕۆژا دەنگدانێ، ئەگەر تە دیتنەک کربیت بۆ دا بینی هەموو کەس ب پیر و کال و زارۆک و ژنڤە قەستا بنگەهێن دەنگدانێ کەن بۆ پشتەڤان و پاڵپشتیا خۆ جارەک دی بۆ لیستا سەرۆک و شەهید و پاراستنا قەوارەیا کوردستانێ لیستا ١٩٠ و کاندیدێن وێ دوپات کرەڤە کۆ هەر ئەڤ هێزەیە و دێ هەر ئەڤە بیت و چ لایەنەک و هێزەکا دی نەشێت ڕاوەستیت بەرامبەر ماف و دەستکەفت و دۆژمنێ گەلێ کورد.
بژی کورد بژی کوردستان و هـــــــەر ئاڤەدان بیت کوردستان.