پارێزگارێ دهۆکێ دسەرەدانا خۆدا بو برینداێن رۆیدانا پەقینا بۆمبەکا چاندیی راگەهاند: داخوازدکەین له‌شكرێ تورکیا وپه‌كه‌كه شه‌رێ خو ل ناڤ ئاخا خو بكه‌ن و هیڤیدارین ئاریشێن خۆ ب دیالۆگ چارەسەربکەن
بو زانینا ره‌وشا برینداران دوهی ئێڤارى 27-4-2021 به‌رێز د.على ته‌ته‌ر پارێزگارێ دهۆكێ سه‌را نه‌خوشخانا ته‌نگاڤیا ل دهۆكێ دا و ژنێزیك سه‌حكره ره‌وشا وان برینداران یێن كو ژیٔه‌نجامێ په‌قینا بومبه‌كا چاندیی ل سنورێ ناوچه‌داریا كانى ماسێ برینداربوین .
پارێزگارێ دهۆکێ دكونگره‌كێ رۆژنامه‌ڤانیدا لبه‌راهیێ داخازا سلامه‌تیێ بو بریندارا كر و دیاركر كو شڤێدى وژئە‌گه‌رێ شه‌رى دناڤ به‌را له‌شكرێ تركى وپه‌كه‌كێ دا ستونه‌كا كاره‌بێ هاتبو ئێخستن و كاره‌ب ژگه‌له‌ك گوند وكومه‌لگه‌ها وسه‌نته‌رێ ناوچه‌داریا كانى ماسێ هاتبو برین ویٔه‌ڤرو سپێدێ تیمێن ته‌كنیكى قه‌ستا وى جهى كر بو چێكرنا هێلا كاره‌بێ وژنشكه‌كێڤه بومبه‌كا چاندى پێڤه په‌قى و(3) كارمه‌ندێن حكومه‌تێ برینداركرن ، یٔه‌م هاتینه دا ژنێزیك سه‌حكه‌ینه ره‌وشا وان و یا دشیاندا بیت دێ بو كه‌ین كو ره‌وشا وان بهێته باشكرن.
پارێزگارێ دهۆكێ ته‌كه‌زكر كو یٔه‌ڤ شه‌ر هه‌ى دناڤبه‌را له‌شكرێ تركى وپه‌كه‌كێ زه‌ره‌رێ ب خه‌لكێ پارێزگه‌هێ و كوردستانێ دگه‌هینیت وخه‌لكێ مه دبیته قوربانى و شه‌هید وبریندار وده‌ربه‌ده‌ر دبن وخواست كو تركی وپه‌كه‌كه شه‌رى وئاریشێن خو لناڤ وه‌لاتێ خو چاره‌سه‌ركه‌ن وهه‌ردوو لا ته‌فه‌هوما ره‌وشا خه‌لكێ مه بكه‌ن.
Comments are closed, but trackbacks and pingbacks are open.