پارێزگه‌هبونا ئاكرێ خه‌ونه‌ یان رٍاستى یه‌

فه‌رزنده‌زێبارى

ئاكرێ كه‌ڤنترین باژێرێن كوردستانێ یه‌ كودیرۆكا وێ دزڤریته‌ڤه‌ لسه‌رده‌مى َچه‌رخى َته‌باشیرى و به‌رییا زایینێ ب (700)ساڵان ، ل سالا 1877 ێ ژى بوویه‌قه‌زا واته‌ كه‌ڤنترین قه‌زایه‌ لسه‌رئاستى َهه‌رێماكوردستانێ ،ده‌ڤه‌ره‌كا پێكڤه‌ژیانا ئولى و نه‌ته‌وه‌یى یه‌ و خه‌لكێ ڤێ ده‌ڤه‌رێ هه‌لگرێ هه‌ستانه‌ته‌وه‌یى و نیشتمانى و وه‌لاتپارێزى بوویه‌ ، بێگۆمان روله‌كێ دیار و به‌رچاڤ ژى هه‌بوویه‌ د بزاڤا رزگاریخوازا كوردستانى َدا و نه‌مازه‌ دشۆرشا مه‌زنا ئه‌یلولێ و گولانا پێشكه‌فتنخواز و كلیلا سه‌رهلدانا بهارا پیرۆز یا سالا (1991) بوویه‌ ل ده‌ڤه‌رابادینان ، ل به‌ره‌ڤانیكرنێ ژى هه‌رده‌م دسه‌نگه‌رێن به‌رخودانێ دا بووینه‌و هه‌تا نهۆژى زێده‌تر ل (1000)شه‌هیدان داینه‌ و ب سه‌دان ژى بریندار و په‌ككه‌فتى هه‌نه‌و ل شه‌رێ دژى تیروریستێن داعش ژى زێده‌تر (148)شه‌هید هه‌نه‌ و ب سه‌دان ژى بریندار .
پشتى هنگافتنا شۆرشا مه‌زنا ئیلۆنێ و ل درێژه‌دان ب زولم و سته‌ما رژێما به‌عسا گۆڕ ب گۆرٍ ل سه‌ر خه‌لكێ ئاكرێ ب گشتى و نه‌مازه‌ ئه‌وێن چه‌كێ شۆرشا مه‌زنا ئیلونێ هه‌لگرتى و به‌رپرسیاره‌تیه‌ك ژى هه‌بوویه‌ د وێ شۆڕشێ دا ل هۆزێن زێبارى و هه‌ركى و سورچى و گۆران و ئاكره‌یان ب مالباتڤه‌ هاتنه‌ ڤه‌گوهاستن بو باشۆرێ عیراقێ.
سه‌ره‌راى ڤێ زولم و زورداریا ل خه‌لكێ ئاكرێ ب ده‌وروبه‌رێن وێڤه‌ هاتینه‌ كرن و ل ئه‌نجامێن هه‌لبژارتنێن ته‌زویر كو ل دویماهیا سالێن حه‌فتێیاندا هاتیه‌ كرن وهه‌ر ب ئێكجارى ئاكرێ هاته‌ دابراندن ل سه‌ر ده‌ڤه‌رێن كوردستانێ و ب پارێزگه‌ها نه‌ینه‌واڤه‌ هاته‌ گرێدان و هه‌ر چه‌نده‌ خه‌لكێ ئاكرێ و نه‌مازه‌ ئاكره‌یى و زێبارى دژى ئه‌نجامێن ڤێ هه‌لبژارتنێ بوون ، له‌وما رژێما به‌عس ب هه‌مى شێوه‌یه‌ك رێك گرتنه‌ به‌ر بۆ دژایه‌تیا به‌رامبه‌ر شۆرشگیرا و ئه‌وێن ل دژى پیلان و ئاسته‌نگێن وان راوه‌ستاین ، ژ به‌ر ڤێ چه‌ندێ رژێما به‌عس پیلانه‌كا هۆڤانه‌ دارێشت بۆ شه‌هیدكرنا زوبه‌یر ئاغا زێبارى و هه‌ردوو برایێت وى ب ناڤێ ته‌ته‌رخان و عومه‌رخان زێبارى ..
سه‌رۆك بارزانى د په‌رتوكا خودا یا ب ناڤێ بزاڤا رزگاریخوازیا كورد ئاماژه‌ دایه‌ هندى كو ل سه‌رده‌مێ سه‌روكێ به‌رێ یى عیراقێ سه‌دام حسین نامه‌یه‌كێ بۆ بارزانیێ نه‌مر ره‌وانه‌ دكه‌ت و به‌حسێ رولێ زوبه‌یر ئاغا زێبارى ئامر هێزێ ئاكرێ كو ل دژى رێكه‌فتنا ئادارێ یه‌ , لێ چونكه‌ ئامر هێزێ ئاكرێ ل دژى پیلانێن به‌عسیا و سه‌ره‌ده‌ری كرن و تاوانێن وان ل دژى خه‌لكێ شۆرشگێر و كوردپه‌روه‌ر ڕاوه‌ستا بوو ، چونكه‌ رژێم ل وێ باوه‌ریێ بوو كو ئه‌وێ دگه‌ل وان دا نه‌بیت زه‌حمه‌ته‌ ژیان وته‌ناهى ل ده‌ڤه‌رێ به‌رجه‌سته‌ ب بیت ، له‌وما به‌رفره‌هبوونا ڤان ره‌فتارێن رژیما به‌عسا گور ب گور بو فاكته‌ره‌ك كو دژایه‌تیا رژێمى پتر توندترب بیتن و ل روژا 22-2-1981 ێ ده‌ڤه‌را نه‌هلێ و زێبارێ یا ژوورى و ده‌شتا زێ هاتنه‌ ئازاد كرن و ده‌ڤه‌ر كه‌فته‌ ژێر ده‌ستهه‌لاتا هێزێن پێشمه‌رگه‌یى و باره‌گایێن پارتى دیموكراتى كوردستان هاتنه‌ ڤه‌كرن … ده‌ڤه‌ر بو جهێ ڤه‌حه‌واندنا ئوپوزسیونا دژى رژێما به‌عسا عیراقێ ب كوردو عه‌ره‌بانڤه‌ .. هه‌ست كرن ب ڤى رولێ قاره‌مانى و خۆراگرى و به‌رخودانا مه‌زن یا ئاكرێ ب ده‌وروبه‌رڤه‌ و جیوپولیتكا گرنگ و جهێ هۆزا د ژیانا سیاسى و جڤاكى دا ل سه‌ر ئاستێ عیراقێ ب گشتى و نه‌مازه‌ ل سه‌ر ئاستێ هه‌رێما كوردستانێ ، ل به‌رچاڤگرتنا په‌رله‌مانێ كوردستانێ رۆلێ دیارێ ڤێ ده‌ڤه‌رێ ل سالا 1999ێ په‌رله‌مانێ كوردستانێ بریا ردا ب پارێزگه‌هبوونا ئاكرێ كو ئه‌ڤه‌ هیڤى و ئومیدا هه‌ر هاولاتیه‌كێ كوردو كودستانیێ ڤێ ده‌ڤه‌رێ یه‌ ، دیسان هوشیار زێبارى ئه‌ندامێ مه‌كته‌ب سیاسى یا پارتى دیموكراتى كوردستان و سه‌رپه‌رشتێ هه‌لبژارتنێن نوێنه‌رێن جڤاتا په‌رله‌مانێ عیراقێ ل پارێزگه‌ها دهوك ودهه‌وا بانگه‌شه‌یا هه‌لبژارتنێ دا و ل هولا كونفرانسان ل ئاكرێ لڤێ دویماهیێ ئاماژه‌ دا هندێ كو جێ به‌جێ كرنا بریارێ یا نێزیك بووى و سه‌ركردایه‌تیا كوردى و حكومه‌تا هه‌رێما كوردستانێ ب رژدى یێن كار دكه‌ن بو جێ به‌جێ كرنا بریارا ب پارێزگه‌هبونا ئاكرێ كو هه‌مى مه‌رجێن پارێزگه‌هبوونێ هه‌نه‌ ، لدویماهیێ جاره‌كادى ته‌ئكید دكه‌ین كو خه‌لكێ ئاكرێ ب ده‌وروبه‌رڤه‌ دێ هه‌ر مینن سوزدارێن رێبازا پیروزا پارتى و بارزانیێ نه‌مر و جه‌نابێ سه‌روك بارزانى و پێشمه‌رگه‌هێن دلسۆز بو به‌ره‌ڤانیكرن ل ئاخا پیرۆزا كوردستانێ و هیڤیا مه‌ ژى ئه‌وه‌ ئه‌ڤ خه‌ونه‌ ب بیته‌ راستى .

نڤیسەرێ هێژا ئەو ناڤێ ل تە بنی هاتیە نڤیسین سەر لێبدە هەموو بابەتێن تە ناڤدا هەنە  …. دگەل رێز