ل دویڤ بریارێن وەزارەتا ناڤخۆ دەرگەهێن هولێن داوەت و شەهیانان هاتنه گرتن، داکو ڤایرۆسێ کۆرۆنایێ زێدەتر بەلاڤ نەبیت، خودانێن هولان ژی دبێژن: ئه‌و پێگیر نابن.
بهائه‌دین دەشتانی، نوینەرێ خودانێن هولێن شەهیانان ل پارێزگەها دهۆکێ بۆ گاڤ نیوز گۆت: وه‌زاره‌تا ناڤخۆ بریارا دائێخستنا هه‌مى هولێن شه‌هیان و بیره‌وه‌رى و تازیان دایه و ل پارێزگه‌ها دهۆكێ ژى حكومه‌تێ کلیلێن پشکەکا مه‌زن یا هولێن شەهیانان ژ خودانان وەرگرتینە.
گوت ژى: وان دیڤچوون كریه و دیاربوویه كو ل پارێزگه‌هێن هەولێرێ و سلیمانیێ دەرگەهێن هولان نەهاتینە گرتن، لەوا ئەگەر پارێزگارێ دهۆکێ نەهێتە سەرخەت، دێ خودانێن هولان هەلویست هەبن و پێگیرى بریارێ نابن.
دا زانین ژى: نوكه هەمى جهێن گشتی یێن وه‌كى مه‌ساج، مەلەڤانگەهـ، خوارنگه‌هـ، كافیتیریا و بازار د ڤەکری نە و ب ھزاران گەشتیار ل باژێرى نه، له‌و بریارا وه‌زاره‌تا ناڤخۆ د جهێ خۆ دا نینه.
Comments are closed, but trackbacks and pingbacks are open.