پارێزەرێ مالباتا کورد، ئه‌و ده‌مه‌ك بوو کۆمکوژی دهاته‌ پلان كرن

زێ بادینان

پارێزەرێ مالباتا کوردا کو ل کۆنیایێ بکۆم هات کوشتن راگه‌هاند، دەرکەت هۆلێ کو «کەسێن ئێرشکار ب ئاوایەکی پلان کری ئەڤ کۆمکوژی پێک ئانینە».

مالباتا دەدەئۆگوڵار کو ژ قەرسا باکورێ کوردستانێ یە،  رۆژا 30ێ تیرمەهێ ل ناڤچەیا مەرام يا کۆنیایێ راستی ئێرشەکە نه‌ژادپەرست هات و د وێ ئێرشێ دا 7 ئەندامێن مالباتێ ب کۆم هاتن کوشتن.

عه‌بدولره‌حمان کارابولوت دیار کر، دەرکەت هۆلێ کو کەسێن ئێرشکار، پشتی ئێرشا 12ێ گولانێ ل سەر بەرنامەیا وه‌تسئاپێ گرووپەک پێک ئانینە و «ب ئاوایەکی ئۆرگانیزە و پلانکری ئەڤ کۆمکوژی کرنە».

پشتی قرکرنا 7 ئەندامێن مالباته‌كا کورد ل ناڤچەیا مەرامێ یا سەر ب کۆنیایێ ڤە 14 کەس هاتبوون دەستەسەرکرن و کەتبوون بەر لێپرسینێ، 10 کەس ژ وان 14 هاتنە گرتن، د ناڤا کەسێن گرتی دا دایک، باڤ، هەڤژین و خوشکا کوژەر محه‌مه‌د ئالتون ژی هەنە.

هەروها بکوژێ ب ناڤێ محه‌مه‌د ئالتون دوهی ل نێزی گوندێ ئوچپنارلارێ سەر ب ناڤچەیا بۆزکر ڤە ژ ئالیێ هێزێن ئەمنی ڤە هاتییە گرتن.