پارێ مامۆستایێن وانه‌بێژ دێ هێنه دان
ئه‌حمه‌د گه‌رمیانى جێگرێ سه‌رۆكێ ئێكه‌تییا مامۆستایێن كوردستانێ ڕاگه‌هاند، ل دویڤ نڤیساره‌كا وه‌زاره‌تا دارایی و ئابورى كو ئاڕاسته‌ى وه‌زاره‌تا په‌روه‌ردێ كریه، ره‌زامه‌ندییا خۆ ده‌ربڕیه كو شاییسته‌یێن دارایى یێن مامۆستایێن وانه بێژ ل سنۆرێن رێڤه‌به‌ریێن گشتى بهێنه مه‌زاختن.
جێگرێ ئێكه‌تییا مامۆستایێن كوردستانێ رادگه‌هینیت، نۆكه وه‌زاره‌تا په‌روه‌ردێ ب ڕیكا رێڤه‌به‌ریێن گشتى ل پاێزگه‌هان مژیلى ئاماده‌كرنا لیستێن ناڤێن مامۆستایێن وانه بێژه، بۆ وێ ئێكێ د ئاینده‌یه‌كێ نزیكدا هه‌ر مامۆستایه‌ك شاییسته‌یێن خۆیێن دارایی یێن هه‌یڤێن 2 و 3ێ وه‌ربگریت.
گۆتژى، مه‌زاختنا ڤى بڕه پاره‌ى دێ ل سه‌ر بنه‌مایێ پشكێن وانه‌یێن مامۆستاى بیت، هه‌ر مامۆستایه‌كێ چه‌ند وانه گۆتنه، ئه‌ڤه د ده‌مه‌كێدایه كو ل هه‌یڤێن 11 و 12 یێن ساڵا ده‌ربازبووی زێده‌بارى گرتنا ده‌رگه‌هێن قۆتابخانان؛ حكومه‌تا هه‌رێما كوردستانێ بۆ هه‌رمامۆستایه‌كێ وانه‌بێژ بڕه پاره‌یه‌ك مه‌زاختبوو.
ئه‌حمه‌د گه‌رمیانى گۆت ژى، نوكه حكۆمه‌تا هه‌رێما كوردستانێ مژیلى كۆمكرن و داتابه‌یسكرنا ناڤێن سه‌رجه‌م مامۆستایێن وانه‌بێژه ل هه‌رێما كوردستانێ بۆ وێ ئێكێ ل ئاینده‌یه‌كێ نزیك ئه‌ڤ مامۆستایێن وانه‌بێژ ببنه گرێبه‌ست.
Comments are closed, but trackbacks and pingbacks are open.