ئەڤرۆ د هەوەکێ دا، سەرۆکاتیا باژێرڤانیا دینارتە پتری 20 چێل ل سەنتەرێ ناحیا دینارتە گرتن کو زیان ب ژینگەهـ و جوانیا باژێرێ دینارتێ و باخچە و داروبارێ وەلاتیان د گەهاند.
نەعمان سلێمان، سەرۆکێ باژێرڤانیا دینارتە گۆت، دەمەکە پشکەک ژ وەلاتیان چێل و ئاژەلێن خوە یێن خومالی بەرەلا دکەن ناڤا سەنتەرێ باژێری ب تایبەتی سپێدەهیان، ئەڤێ یەکێ ژی زیان ب سەر و سیما و جوانیا باژێری دایە و گلێش و بەرمایکێن ناڤا حاویان بەلاڤ دکەن سەر جادە و جهێن گشتی، ئەڤە زێدەباری کو داروبار و باخچەیێن بەر دەرێ وەلاتیان و رەخ و رویێن جادەیان ژی دخون و شکێنن و پیچ دکەن، گلەیێن زۆر ل سەر ڤان ئاژەلا گەهشتینە مە.
زێدەتر گۆت، هژمارا وان چێلێن هاتینە گرتن پتری 20 چێلایە و هەموو نوکە هاتینە گرتن و حێجزکرن، خودانێن وان دڤێت ددەما دوو رۆژان دا بهێن چێلێن خوە ببەن و سووزێ بدەن کو ئێدی بەرەلا نەکەن، بەروڤاژی نەچارین کو پێرابونێن قانونی هەمبەر وان بگرینەبەر، رەنگە ئەڤ چێلە بهێنە برن بو جهەکێ دویر و نەدیار.
Comments are closed, but trackbacks and pingbacks are open.