زهێر کورەمارکی
پرتێن یادگاریا
شڤێدی
نەمینا چ شەڤابوو ؟
پەرمیچکێن کەنیێ لێڤێن شەڤێ دگەزتن
گولاڤ و شەوقا جەمالاتە
دگەل نم نما بارانێ تێکەل ببوون
لبەر پەنجەرا ژورا من سەمادکر
من پەردە راکر و پەنجەر ڤەکر
ژور تژی گولاڤ کەنیا تەبوو
پرتێن یادگاریێن تە ژور داگیر کر
بەلاتینکێن ھەستێن من رابوونە سەرخو
ھاتنە تەوافا جوانیا عشقێ
ئەز دناڤ کەلەخێن بیرھاتنادا
مەست و گێژ بووم
یا ژمنڤە تۆ بخۆیی ھاتی
من نەزانی بارۆڤێ ئاشووپ و خەیالاتە یە
ئەز دجیھانا فانتازیێ دا وەرکرم
لەش و ھزرێن من کرنە
دوو کەلەخێن ژێک جودا
ئەز دناڤ ئەندێشەو خەیالادا
نقۆم بووم
من ھاژ شەڤێ نەما
کا چ روودا ؟
Comments are closed, but trackbacks and pingbacks are open.