پرۆسا داگرتنا فۆرمان بۆ دامەزراندنا پێنج هزار دەرچوویێن پشكێن چاندنێ دەست پێ دكەت

پەیڤدارێ وەزارەتا چاندن و ژێدەرێن ئاڤێ یێ حكومەتا هەرێما كوردستانێ دبێژیت: ژ ئەڤرۆ رۆژا ئێك شەمبی پرۆسا داگرتنا فۆرمان بۆ دامەزراندنا پێنج هزار دەرچوویێن پشكێن چاندنێ دەست پێ دكەت و هەیڤەكێ دێ بەردەوام بیت.

حسێن حەمە كەریم پەیڤدارێ وەزارەتا چاندن و ژێدەرێن ئاڤێ راگەهاند: پشتی ڤێ پرۆسێ، دێ دەست ب ڤەكۆلینا وان فۆرمان هێتە كرن و چاڤپێكەڤتن دێ دگەل خودانێن فۆرمان هێتە كرن و هەر كەسێ خالێن زێدەتر هەبن دێ هێتە وەرگرتن.

ل دۆر مووچەیێن وان ژی، پەیڤدارێ وەزارەتێ گۆت: نابیت مووچەیێن چ ژ وان ژ 350 هزار دیناران كێمتر بن و ل دویڤ باوەرنامە و بسپۆری و شارەزایی یا وان، دێ مووچەیێن وان هێنە دەستنیشان كرن.

Comments are closed, but trackbacks and pingbacks are open.