په‌رله‌مانێ كوردستانێ یاسایا پاراستنا گیانه‌وه‌ران گۆتۆبێژ دكه‌ت

په‌رله‌مانێ كوردستانێ د كۆمبوونێدایه‌ و دێ ده‌نگ لسه‌ر پرۆژه‌یاسایا په‌روه‌ردێ و فێركاریێ ده‌ت و خواندنێ بۆ چه‌ند پرۆژه‌یاسایا و پێشنیازه‌یاسایا كه‌ت، لدووڤ به‌رنامێ كارێ كۆمبوونا ئه‌ڤرۆ یا په‌رله‌مانێ كوردستانێ ب ئه‌ڤى شێوه‌یه‌؛

ئێك: خواندنا ئێكێ بۆ پرۆژه‌یاسایا( بەركاركرن و هه‌مواركرنا سه‌پاندنا یاسایا كه‌ره‌نتینا چاندنا عیراقێ یا ژماره‌ 76ێ سالا 2012ێ هه‌مواركرى ل هه‌رێما كوردستان- عیراقێ) پشتبه‌ستن ب حوكمێ برگه‌یا (دووێ) ماددێ 78 و برگا (ئێكێ) ماددێ 83 ژ په‌یره‌وا ناڤخۆیا په‌رله‌مانێ كوردستانێ.

دوو: ده‌نگدان لسه‌ر پرۆژه‌یاسایا ( په‌روه‌رده‌ و فێركارى ل هه‌رێما كوردستان-عیراق) لدووڤ حوكمێ ماددێن (90، 91، 93، 96) ژ په‌یڕه‌وا ناڤخۆیا په‌رله‌مانێ كوردستانێ.

سێ: خواندنا دووێ بۆ ئه‌ڤان پێشنیاز و پڕۆژەیاسایێن خوارێ، لدووڤ حوكمێ مادده‌یێن (87، 88، 89، 97) ژ په‌یڕه‌وا ناڤخۆیا په‌رله‌مانێ كوردستانێ:

1-پێشنیازەیاسایا (پاراستنا گیانه‌وه‌ران ل هەرێما كوردستان-عیراق).

2-پێشنیازەیاسایا (بەركاركرنا یاسایا فیدڕالیا ئیمزا ئەلیكترۆنی و مامەله‌ییێن ئه‌لكترۆنى یێن ژمارە 78ی سالا 2012).

3-پڕۆژەیاسایا (هەموارا پیادەكرنا یاسایا ب رێڤه‌برنا ئەوقاف یا ژمارە 64ی سالا 1966ی هەمواركرى ل هەرێما كوردستان-عیراق).

4- پڕۆژەیاسایا (هەمواریا ئێكێ یا یاسایا جڤاتا شورا یا هەرێما كوردستان-عیراق، ژمارە 14ی سالا 2008).