سەرۆکێ روسیا ڕاگەهاند، ل چەند مەهێن بهێت روسیا دێ وان مووشەکان رادەستی بیلاروسیا کەت کو شیانێن هەلگرتنا کۆلاڤێن ئەتۆمی هەنە.
ئەڤرۆ شەمبی، ڤلادیمێر پوتین سەرۆکێ روسیا پێشوازی ل ئەلێکسەندەر لۆکاشینکۆیێ سەرۆکێ بیلاروسیا کر و جڤیا.
تەلەفزیۆنا فەرمیا روسیا پشکەک ژ گوتنێن ڤلادیمێر پوتین بەلاڤکر و تێدا ئاماژە ب وێ یەکێ کر، “ل چەند مەهێن بهێت سیستەمێ مووشەکیێ تەکتیکی ژ جورێ “ئیکسەندەر ئێم” دێ رادەستی حکومەتا بیلاروسیا کەین”.
ئەشکەرا ژی کر، سیستەمێ مووشەکی مووشەکێن کیشوەربڕ و بالیستی بکاردئینیت و دکاریت کۆلاڤێن ئەتۆمی ب شێوەیێ کلاسیک هەلبگریت.
دەربارەی هنارتنا پەینێ بۆ جیهانێ، ڤلادیمێر پوتین سەرۆکێ روسیا گوت، روسیا و بیلاروسیا دوو ژێدەرێن سەرەکیێن پەینێ نە ل جیهانێ.
گوت ژی، هەردوو ئالی کار دکەن ب ئاراستەیێ دەستبەرکرنا ئاسایشا هەردوو وەلاتان د کڤانێ پەیمانامەیا ئاسایشا هەڤپشکدا.
Comments are closed, but trackbacks and pingbacks are open.