نڤیسینگه‌ها دادگه‌رێ گشتى یێ فیدرالى ل ئه‌لمانیا راگه‌هاند، ب بریارا دادگه‌هێ وان كه‌سه‌ك ب ناڤێ ( ئوزگور. ئا ) ب تومه‌تا ئه‌ندامه‌تییێ د
“ رێكخراوا تیرۆرا بیانى “دا ده‌سته‌سه‌ركر و زیندانكر.
ل گوره‌ى راگه‌هاندنه‌كا نڤیسینگه‌ها دادگه‌رێ گشتى یێ فیدرالى ل ئه‌لمانیا كۆ ل (2/5/2022 ) هاتیه به‌لاڤكرن، كه‌سه‌ك ب ناڤێ ( ئوزگور. ئا ) كۆ وه‌لاتینامه‌یا وه‌لاتێ توركیا هه‌یه، پشتى كۆ ل رۆژا 28ى نیسانێ ژلایێ دادگه‌ها ئه‌لمانیا بریارا زیندانكرنێ بۆ هاتیه ده‌ركرن، ل رۆژا 29ى نیسانێ ل باژێرێ بریمه‌ن ژلایێ پۆلیسان ڤه هاته ده‌سته‌سه‌ركرن و پاشان هاته زیندانكرن.
د راگه‌هاندنێ دا هاتیه، ئه‌و كه‌سه ل سالا 2018ێ دناڤ رێكخستنا سه‌ره‌كى یا په‌كه‌كێ دا ده‌ستبكاربوویه و ل چه‌ندین ده‌ڤه‌رێن ئه‌لمانیا به‌رپرسێ ناوچێ بوویه و دوماهى جار به‌رپرسێ ناوچا هامبورگ بوو.
دادگه‌رێ گشتى دیار ژى كریه، ل ده‌مێ ئه‌و كه‌سه به‌رپرسێ ناوچا به‌رلین، راسته‌وخۆ پشكدارى د هه‌وێن كۆمكرنا هاریكارییێن دارایى بۆ په‌كه‌كێ دا كریه و كارێ رێكخستن و بانگه‌شێ ژى بۆ وێ پارتێ كریه.
Comments are closed, but trackbacks and pingbacks are open.