پۆلیسێن فرەنسا باندەكێ قاچاخچیێن كورد دەستەسەركر

پۆلیسێن فرەنسا باندەكێ قاچاخچییان دەستەسەركر كۆ خەلكێ باشوورێ كوردستانێ و فرەنسا نە و ب رێیێن قاچاخ خەلك ڤەگۆهاستییە بریتانیا.

دوهی رۆژا پێنج شەمبی پۆلیسێن فرەنسا راگەهاند، وان ل باژێرێ لیل یێ باكوورێ فرەنسا باندەكێ قاچاخچییان دەستەسەركرییە كۆ پتریا ئەندامێن وێ خەلكێ باشوورێ كوردستانێ نە و ب رێیا بەلەمان خەلك رەوانەی بریتانیا كرییە.

ئاشكەرا ژی كر، رۆژا دووشەمبی یا بووری 19ی ئیلونێ ئەو شیاینە وی باندێ شەش كەسی دەستەسەربكەن كۆ 3 ژوان وەلاتییێن هەرێما كوردستانێ نە و 3 یێن دی فرەنسی نە.

ئەو باندە هاتییە تۆمەتباركرن ب وێ یەكێ كۆ د دەمێ سێ هەیڤێن وەرزێ هاڤینێ دا، 80 كۆچبەرێن نەیاسایی ب رێیا نۆكەندێ ئینگلیز و ب بەلەمان رەوانەی بریتانیا كرینە. ژ وێ هەژمارێ ژی، 50 كاروانی ب سلامەتی گەهشتینە جهێ مەبەست، و گومان ژی دهێتەكرن بۆ هەر ئێك ژوان كاروانییان 80 هزار دۆلار بدەستڤەئینابن.

پۆلیسێن فرەنسا دیار ژی كر، دەستەسەركرنا وی باندی ب هەماهەنگییا پۆلیسێن وەلاتێن فرەنسا و بریتانیا و هۆلەندا و بەلجیكا و ئەلمانیا بوو بۆ تۆندكرنا سنۆرێن ئەورۆپا و كۆنترۆلكرنا شەپۆلا پەنابەران.